Surimi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pasta surimi wonten ing mangkok

Surimi utawi mawi teges daging ingkang sampun dipundamel alus, menika bahan dedhaharan saking ulam ingkang dipunalusaken saéngga awujud kados pasta. Padatanipun bahan menika dipunwadahi wonten ing plastik mawi kahanan ingkang beku lajeng dipundamel leleh lan dipunolah dados dhaharan. Kanthi sipatipun ingkang fleksibel lan netral, surimi saged dipundamel dados manéka imitasi dedhaharan segara. Amargi dipundamel saking daging ulam, crab stick imitasi ingkang dipundamel saking surimi menika saged dados pilihan ingkang langkung mirah saking lobster utawi yuyu asli. Kejawi menika, surimi menika asilipun seragam saéngga langkung dipunremeni kanthi produk masal kamoboko dipuntandhingaken kalihan daging ulam asli.[1]

Bahan baku[sunting | sunting sumber]

Miturut teknis sedaya jinis ulam saged dipundamel surimi. Ananging padatanipun surimi dipundamel saking daging ulam mawi warni putih.[2] Kathahipun ulam ingkang padatanipun dipunagem menika Alaska pollock, ananging amargi penangkapan ingkag sarwa linuwih dados populasi ulam menika kathah kirangipun saengga wonten alternatif ulam sanes.[3]

Pangolahan surimi menika kalihan toya, sarem utawi polifosfat (gumantung jinis surimi ingkang badhé dipundamel), MSG, krioprotektan ingkang njagi protein saking denaturisasi lan gula. Kagem damel sae sipat ingkang boten elastis saperangan jinis ulam menika saged ugi dipuntambah kalihan protein nabati utawi jinis ulam sanèsipun kados cumi-cumi. Déné kagem daging ulam mawi lemah utawi gajih ingkang inggil dipunkumbah rumiyin ngginakaken NaHCO3. [4]

Prosès damel surimi[sunting | sunting sumber]

Kanthi umum, prosès damel surimi menika ngumbah, nggiling, pangemasan, lajeng dipundamel beku. Anggènipun damel surimi kawiwitan kanthi misahaken antawisipun daging ulam kalihan balung lan kulit. Lajeng dipungiling lan dipunparingi ès watu supados njagi suhu adonan. Menawi sampun alus, adonan menika banjur dipunkumbah dumugi namung protein kemawon ingkang wonten. Bibar menika sukrosa, sarem utawi polifosfat (gumantung badhé damel surimi maawi sarem menapa boten) lajeng dipunwungkus lan dipundamel beku kanthi suhu dumugi -33 derajat Celcius. Bibar menika surimi dipunsimpen wonten ing papan mawi suhu 22 derajat Celcius. [4]. Menawi badhé damel produk salajengipun kados kamaboko menika wonten tambahan pati kados glepung tapioka. [4]

Raos surimi[sunting | sunting sumber]

Surimi mawi wujud pasta menika sejatosipun boten wonten raosipun, kanthi warna putih, kenthel lan kenyal. Surimi ingkang saé menika boten mambu sanget. Anggenipun ngolah surimi dados dhaharan segara tiruan kedah nambahaken pewarna, perasa lan aroma supados sami kalihan tiruanipun. [5]

Nutrisi[sunting | sunting sumber]

Surimi sejatosipun namung ngandhut 40 % dumugi 45 % daging ulam[6] saengga sanajan ngandhut kalori ingkang sejajar kalihan daging tuna, 99 kalori per 100 gram penyajian. Ananging langkung sekedhik protein inggih menika 15 % saking sedaya bobotipun, lemakipun sejajar kalihan 1 % saking bobotipun, lan karbohidrat langkung inggil, 7 % saking bobot. [7] Proteing ingkang wonten ing daging ulam kagem bahan utami surimi menika miofibril, sarkoplasma, lan protein stroma. Protein ing sajroning daging kathahipun protein miofibrol ingkang kapérang dadosmiosin, aktin lan aktomiosin. Ananging ingkang gadhah tanggel jawab dhateng sipat mirip gel ing kamaboko menika protein sarkoplasma. Déné langkungipun menika protein stroma ingkang damel jaringan iket ingkang kapérang dados kolagen lan elastin.[4]

Cathetan suku[sunting | sunting sumber]

Pirsani ugi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Surimi&oldid=836658"