Scanner

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Artikel iki ditulis nganggo basa krama.

Scanner utawi wonten ing Basa Indonesia Pemindai inggih punika salah satunggaling piranti komputer ingkang ginanipun kanggé mindhah data saha barang awujud dhokumèn, foto, gelombang, suhu lan sanès-sanèsipun. Asiling pindahan punika padatanipun dipun-transformasi-aken dhateng komputer minangka data digital. Scanner punika piranti elektronik ingkang gadhah fungsi sami kaliyan mesin fotokopi. Mesin fotokopi punika asilipun saged katingal wonten ing kertas, déné scanner punika asilipun mlebet dhateng komputer. Wonten ing sistem komputer, scanner punika piranti masukan ingkang ngasilaken gambar digital ^[1].

Sajarah

Panemu scanner punika 'Rober S. Ledley ingkang wiyos wonten ing New York, Amérikah Sarékat ing taun 1926 ^[2]. Sajarah pangembangan scanner punika kawiwitan taun 1975, nalika Ray Kurzweil sareng tim nyipta Kurzweil Reading Machine saha piranti lunak Omni-Font OCR (Optical Character Recognation) Technology. Piranti lunak punika ginanipun kanggé ngenali teks wonten ing objek ingkang dipunpindai lajeng dipuntarjemahaken dados data awujud teks.

Saking purwanipun pangembangan punika tèknologi scanner trus ngembang dumugi sapunika. Sapunika scanner sampun saged kanggé mindai objek tigang dhimènsi lan filem négatif. Wujud lan ukuranipun ugi warna-warna, wonten ingkang saukuruan kertas folio, wonten ingkang saukuran kertu pos, lajeng ingkang paling énggal punika ingkang kaluncuraken déning Perusahaan Wizcom Tehnologies Inc. Scanner kanthi ukuran pena ingkang saged nyimpen dumugi 1.000 halaman teks. Scanner mau dipunwastani Quicklink kanthi bobot 3 ons lan dawanipun 6 inchi ^[2].

Cara kerja scanner

Gambar ingkang badhé dipunpindhah dipunmapanaken wonten ing nginggiling kaca pemindai.
Sadèrèngipun gambar dipunpindai, komputer badhé nemtokaken 'motor stepper ingkang damel lampu majeng, jarakipun katemtokaken déning dawanipun gambar lan posisi gambar ing kaca pemindai.
Lampu wiwit murup lan motor stepperwiwit muter kanggé ngobahaken lampu dumugi pungkasaning gambar.
Cahya ingkang mancar saking lampu dhateng gambar punika lajeng mantul, lajeng pantulanipun dipunwaos déning cermin tumuju ing lensa scanner.
Cahya pantulan mau dumugi sensor CCD
Sensor CCD banjur ngukur intensitas cahya kanthi dawaning gelombang ingkang dipupantulaken lan dipunewahi dados tegangan listrik analog.
Tegangan listrik analog mau dipunéwahi dados aji digital déning pirantos pengubah ADC (Analog to digital).
Sinyal digital saking sensor CCD banjur dipunkintun dhateng papan logik, lajeng dipunkintun malih dhateng komputer awujud data digital ingkang nedahaken warna ing titik-titik gambar ingkang kapantulaken ^[2].

Konèksi

Kanggé koneksi antawisipun komputer lan scanner, saged ngginakaken interface kados ta:

Pararel
GPIB (General Purpose Interface Bus)
SCSI (Small Computer System Interface)
USB (Universal Serial Bus).
Fireware ^[1]

Wonten jinis konèksi saking scanner dhateng komputer ingkang umum kaginakaken, ing antawisipun:

jinis konèksi pararel ingkang kalebet koneksi model rumiyin, amargi komputer model rumiyin konèksinipun taksih pararel port.
jinis konèksi usb versi 1, punika kalebet jinising konèksi sasampunipun paparel port. Koneksi punika langkung rikat tinimbang pararel port saéngga langkun rikat anggènipun mindai data.
jinis konèksi usb versi 2 ingkang wiwit populer awit laptop lan komputer sapunika kathah ingkang boten njurung konèksi pararel port malih ^[3].

Manéka warna jinising scanner gumantung kaliyan ginanipun kaliyan cara kerjanipun, inggih punika:

Scanner gambar,
Scanner barcode,
Scanner sinar-X,
Scanner cek,
Scanner logam,
Scanner Optical Mark Reader utawi OMR,
Scanner 3 dhimènsi ^[2].

Cathetan suku

↑ ^a ^b [1] Archived 2013-01-11 at the Wayback Machine., (id) Scanner (dipun-akses tanggal 22 Dhésèmber 2012)
↑ ^a ^b ^c ^d [2] Archived 2013-02-23 at the Wayback Machine., (id) Scanner (dipun-akses tanggal 22 Dhésèmber 2012)
↑ [3] Archived 2013-01-17 at the Wayback Machine., (id) http://www.belajarkomputer.org Archived 2013-01-02 at the Wayback Machine. Fungsi Scanner (dipun-akses tanggal 22 Dhésèmber 2012)

[internet1-1] [1] Archived 2013-01-11 at the Wayback Machine., (id) Scanner (dipun-akses tanggal 22 Dhésèmber 2012)

[internet2-2] [2] Archived 2013-02-23 at the Wayback Machine., (id) Scanner (dipun-akses tanggal 22 Dhésèmber 2012)

[internet3-3] [3] Archived 2013-01-17 at the Wayback Machine., (id) http://www.belajarkomputer.org Archived 2013-01-02 at the Wayback Machine. Fungsi Scanner (dipun-akses tanggal 22 Dhésèmber 2012)

[1]

[2]

[3]