Sistem Posisi Global

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambaran satelit GPS ing orbit

Sistem Posisi Global utawa Global Positioning System (GPS) iku salah sawijining sistem navigasi satelit sing nduwèni fungsi nemtokaké dunungé panggonan kanthi migunakaké 24 satelit sing ngirimaké sinyal gelombang mikro menyang Bumi. Sinyal iki ditampa déning alat panampa ing lumahing bumi, lan dipigunakaké kanggo nemtokaké posisi, kacepetan, arah, lan wektu. Sistem sing sarupa karo GPS antara liya GLONASS Rusia, Galileo Uni Eropah, IRNSS India.

Sistem iki dikembangaké déning Departemen Pertahanan Amérika Sarékat, kanthi jeneng jangkep NAVSTAR GPS (kasalahan umum dikira NAVSTAR kuwi cekakan, kamangka NAVSTAR kuwi jeneng sing diwènèhaké déning John Walsh, yakuwi wong sing nemtokaké kawicaksanan wigati jroning program GPS).[1] Kumpulan satelit iki diurus déning 50th Space Wing Angkatan Udhara Amérika Sarékat. Béa parawatan sistem iki watara US$750 yuta saben taun,[2] klebu kanggo ngganti satelit lawas, sarta riset lan pangembangan.

Kagunan[sunting | sunting sumber]

  • Militèr
    GPS dipigunakaké kanggo kaperluan perang, kayadéné nuntun arah bom, utawa meruhi posisi pasukan. Kanthi cara iki kita bisa ngawruhi endi kanca endi mungsuh kanggo nyegah salah sasasran, utawa nemtokaké gerakan pasukan.
  • Navigasi
    GPS akèh dianggo minangka alat navigasi kaya kompas. Sawetara jinis kendaraan wis dilengkapi nganggo GPS kanggo alat bantu nivigasi, kanthi nambahaké péta, banjur bisa kanggo mandhu supir, saéngga supir bisa meruhi jalur endi sing kudu dipilih menyang papan sing dituju.
  • Sistem Informasi Geografis
    Kanggo kaperluan Sistem Informasi Geografis, GPS kerep uga dianggo nggawé péta, yakuwi kanggo ngukur let tapel wates, utawa minangka referensi pangukuran.
  • Sistem pelacakan kendaraan
    Kagunan liya GPS yakuwi minangka pelacak kendaraan, kanthi bantuan GPS sing duwé kendaraan/pengelola armada bisa meruhi ana ngendi waé kendaraané wektu iki.
  • Pamantau lindhu
    Malah dina iki, GPS kanthi katelitèn dhuwur bisa dipigunakaké kanggo mantau pergerakan lemah, sing ordené mung mm jroning setaun. Pamantauan pergerakan lemah migunani kanggo ngira-ira kedadéyan lindhu, vulkanik utawa tektonik

Sistem liya[sunting | sunting sumber]

Artikel utama: Sistem navigasi satelit

Sistem navigasi satelit liya sing lagi dikembangaké déning negara liya yakuwi:

Referensi[sunting | sunting sumber]

  1. ^ Parkinson, B.W. (1996), Global Positioning System: Theory and Applications, chap. 1: Introduction and Heritage of NAVSTAR, the Global Positioning System. pp. 3-28, American Institute of Aeronautics and Astronautics, Washington, D.C.
  2. ^ GPS Overview from the NAVSTAR Joint Program Office. Accessed December 15, 2006.

Delengen uga[sunting | sunting sumber]