Siren

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
The Siren, karya John William Waterhouse

Wonten ing mitologi Yunani, Siren utawi ‘’’Seirenes’’’ (Basa Yunani : Σειρῆνας) menika makhluk legendaris, kalebet kaum Naiad (salah satunggaling kaum nimfa ingkang gesang wonten ing toya) ingkang gesang wonten ing segara [1]. Mapan wonten ing pulo ingkang anama Sirenum Scopuli, utawi miturut tradisi ingkang benten wonten ing tanjung Pelorum, pulo Anthemusa, pulo Sirenusian celak kalihan Paistum, utawi ing Capreae. Sedaya menika papan ingkang kaubengi kalihan watu karang lan tebing. Siren nembangaken tetembangan ingkang memikat hati saéngga damel para pelayar ingkang mireng terbuai lan nabrak karang dumugi ambles.

Siren menika para putri Akhelous [2](kalihan Terpsikhore, Melpomene, utawi Sterope) utawi Porkhis. Miturut sumber, kados Homeros, cacahipun sedaya kirang langkung antawisipun kalih dumugi gangsal. Wonten ugi ingkang nyebataken bilih cacahipun menika sanga. Nama-nama individual menika kadosta :

  • Aglaofonos utawi Aglaope
  • Leukosia
  • Ligeia
  • Molpe
  • Parthenope
  • Pisinoe utawi Peisinoë
  • Raidne
  • Teles
  • Thelksiepiea utawi Thelksiope utawi Thelksinoe

Miturut manéka vèrsi, Siren menika kanca dolananipun Persefone nalika tasih alit.

Medalipun[sunting | sunting sumber]

Syrenka ing Warsawa

Ing Yunani wiwitanipun Siren dipunlukisaken minangka peksi kanthi kepala ageng lan suku ingkang wonten sisikipun. Kadang kala dados bayangan memedi singa. Lajeng Siren kagambaraken minangka wanita kanthi sukunipun peksi, nembé ngginakaken piranti musik, mliginipun Harpa. “Suda”, Ensiklopedia abad ke-10, ngandharaken bilih wujud Siren saking dada manginggil kados Manuk Gereja. Déné bagéyan ngandhap menika wanita utawi kadang kala dipungambaraken minangka peksi alit kanthi praupan wanita. Kapilihing wujud peksi amargi kaluwihanipun peksi inggih menika swantunipun ingkang merdu. Lajeng na,ika masa salajengipun Siren kadang kala kagambaraken minangka wanita ayu, ugi putri duyung. Wonten ing maneka basa (kadosSpanyol, Perancis, Italia, Polandia, utawi Portugis) tembung ingkang kaginakaken kanggé merujuk ing puteri duyung inggih menika “Siren”, “Sirena”, “Syrena”, utawi “Sereia”.

Pepanggihan kalihan Siren[sunting | sunting sumber]

Odisseus lan para Siren

Kisah pepanggihan kalihan para Siren kacariyosaken ing kisah Odisseia. Kala menika nalika Odisseus kedah ngliwati pante ingkang kathah karangipun lan dinggèni déning para Siren. Lajeng paring dhawuh marang sedaya awak kapan supados nutup talinganipun ngginakaken lilin supados boten mireng swantunipun Siren. Piyambakipun boten nutup talinganipun amargi penasaran kalihan swantunipun para Siren. Nalika mireng dados mberontak lan paring dhawuh supados ngiculi tali ingkang kaginakaken kanggé naleni awakipun piyambak. Ananging para awak kapal boten purun, nembé dipuniculi nalika sampun tebih saking Siren [1].[3]

Sanesipun[sunting | sunting sumber]

Saking nama "siren" dipunandhapaken nama salah satunggaling bangsa saking kewan ingkang menyusui (Mammalia), Sirenia, kalebet duyung (Dugong dugon) lan sapi laut.

Pirsani ugi[sunting | sunting sumber]

Logo Wikimedia Commons
Pirsani galeri bab Siren ing Wikimedia Commons.

Cathetan suku[sunting | sunting sumber]

  1. ^ a b (id) [1], Air mata duyung (dipunakses tanggal 4 Februari 2013).
  2. ^ (id) [2], 12 Mahluk Mitologi dengan Wajah Cantik Tetapi Mematikan (dipunakses tanggal 4 Februari 2013).
  3. ^ Homeros, Odisseia 12.39
Sumber artikel punika saking kaca situs web: "http://jv.wikipedia.org/w/index.php?title=Siren&oldid=867935"