Pulo Saparua

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pulo Saparua

Pulo Saparua inggih punika salah satunggaling pulo ing Indonesia ingkang mapan wonten ing Maluku Tengah, propinsi Maluku. Pulo Saparua inggih punika salah satunggaling saking kalih pulo ageng ingkang mapan wonten ing Kapuloan Lease ing sisih wetan kitha Ambon. [1] Pulo Saparua mapan wonten ing koordinat 3°33'49"S 128°38'58"E.

Daya tarik[sunting | sunting sumber]

Pulo Saparua gadhah daya kaéndahan alam panté ingkang saé saha ing Pulo Saparua punika wonten kisah kepahlawanan Pattimura saha rakyat Saparua nalika perang nglawan penjajah Walanda. Menawi badhé dhateng Pulo Saparua saged saking pelabuhan Tulehu ing Kota Ambon kanthi ngginakaken speed boat dangunipun nyebrang inggih kirang langkung 1 jam tumuju dhateng pelabuhan Haria, inggih punika pelabuhan ingkang mapan ing Saparua. Wonten kathah barang-barang tilaran sajarah ingkang taksih saged dipun tingali dening para wisatawan kados ta Benteng Duurstede ingkang mapan ing Teluk Saparua , tradhisi Obor Pattimura, Sei Sisir, saha Dalemipun Pattimura. [2]

Pulo Saparua kados dene Kepuloan Lease ingkang gadhah perkwis-perkawis ingkang saged damel remening manah, inggih kanthi alam ingkang taksih ijo royo-royo saha bebas saking debu ingkang kathah pating semablur ing Jawa Dene, iklim ingkang wonten ing Pulo Saparua ugi khas, inggih menawi saged mandhap jawah nalika wonten debu ingkang kathah kanthi sering.

Ingkang dados daya tarik sanesipun ing Pulo Saparua punika inggih bilih kathah desa ingkang mapan wonten ing pulo punika ingkang gadhah Baileo. Baileo inggih punika griya tradhisional kangge para wisatawan ingkang sami rawuh wonten ing adicara-adicara utawi upacara-upacara adat, lan sapanunggalanipun. Ing wekdal sak punika supados langkung ketingal endah kathah Baileo ingkang dipun rehap utawi dipun dandosi, dipun damel kados gambaran griya tua kanthi style tradhisional ingkang dipun damel boten mawi paku. Kala rumiyin, saderengipun Baileo bebas dipun rawuhi para wisatawan.

Ing sakitering desa sisih lor wonten pemandangan ingkang endah sanget dipun tingali inggih kados alas kayu ingkang wiyar sanget, ananging sejatosipun punika panci areal budidaya tanduran kayu tropis, ingkang tuwuh maneka warna jinising wit-witan tropis, kados ta wit kambil, wit sagu, wit kenari, wit pelem, saha jinising wit-witan sanesipun ingkang tuwuh ing dhaerah tropis. Saking nginggil desa sisih lor wonten siti genting ingkang alit ingkang tebihipun 20 kilometer, inggih asring dipun sbat Nusa Ina. Nusa Ina inggih nama tradhisional saking Pulo Seram Besar, ingkang punika pulo paling dawa saha paling ageng ing Pulo Maluku. Nalika cuacanipun sae ing Pulo Seram saking tebih saged dipun tingali pegunungan ingkang dipun tutupi kanthi wit-witan kandel saha gunung-gunung ingkang ketutup awan.

Negeri Adat[sunting | sunting sumber]

Pulo Saparua gadhah 16 negeri adat utawi ingkang sami tataranipun kaliyan desa saha 2 kampung ingkang sampun mandiri, inggih punika kados mekaten:

Cathetan Suku[sunting | sunting sumber]

  1. ^ (en)[[1]] "Pulau Saparua, pulau Lease" (dipunundhuh tanggal 3 Januari 2013)
  2. ^ (id)[[2]] Pulau Saparua, Pulau Saksi Kisah Heroik Pattimura (dipunundhuh tanggal 3 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Pulo_Saparua&oldid=834902"