Provinsi Groningen

Saka Wikipédia Jawa, bauwarna mardika basa Jawa
Lokasi Provinsi Groningen

Groningen (basa Groningen: Pervìnzie Grönnen) iku sawijining provinsi ing Walanda.[1] Groningen dumunung ing sisih lor Walanda.[1] Kutha krajané Groningen yaiku kutha Groningen.[1] Padunung Groningen cacahé sakiwa-tengené 577.081 jiwa (30 november 2009), yaiku saprateluné manggon ana ing kutha krajan Groningen.[1]

Provinsi Groningen wewatesan karo Waddenzee ana ing sisih lor, déné ing sisih wétan sagara watese yaiku kali Eems kang kalebu ana ing nagara Jerman lan Dollard (uga duweke Jerman lan kalebu péranganing Sagara Wadden, Dollard iki dadi panggon kanggo nampung banyu saka kali Eems sadurungé diilekke menyang sagara lor), ana ing sisih kulon uga watesé karo nagara Jerman pasé yaiku ana ing praja Niedersachsen, lah ing sisih kidul watesé yaiku provinsi Drenthe, lan ing sisih kulon uga wewatesan karo provinsi Friesland.[2]

Provinsi iki kalebu dadi provinsi paling cilik ana ing wewengkon Walanda.[1] Amba saka wewengkon provinsi iki yaiku 2.960,03 km².[1] Amba dharatané yaiku 2.333,28 km² lan turahané yaiku awujud sagara.[1] Provinsi iki mbiyèn dibagi dadi 25 gemeente, nanging wiwit tanggal 1 Januari 2010 provinsi iki dibagi dadi 23 gemeente, mergane yaiku 3 gemeente yaiku Winschoten, Scheemda lan Reiderland saiki kalebu ana ing wewengkon anyar kang ajeneng gemeente Oldambt.[1]

Cathetan suku[besut | besut sumber]


 
Gemeente ing provinsi Groningen
Gendéra provinsi Groningen
Appingedam · Bedum · Delfzijl · De Marne · Eemsmond · Groningen · Grootegast · Haren · Leek · Loppersum · Marum · Midden-Groningen · Oldambt · Pekela · Stadskanaal · Ten Boer · Veendam · Westerwolde · Winsum · Zuidhorn
Walanda | Daftar provinsi Walanda | Daftar Kutha Walanda