Prefektur Hyogo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Prefektur Hyogo
Peta Prefektur Hyogo

Cithakan:Infobox Prefektur Hyogo

Prefektur Hyogo (兵庫県 Hyōgo-ken?) inggih menika salah satunggaling prefektur ing Jepang ingkang wonten ing Pulo Honshu, mliginipun ing wilayah Kinki [1]. Ing sisih lèr winatesan kalihan Laut Jepang, déné ing sisih kidul menika winatesan kalihan Laut Pedalaman Seto. Nama prefektur menika sadèrèngipun kaserat ing romaji minangka Hiogo. Nalika taun 1995, sisih kidul Prefektur Hyogo naté dipunrisak déning Gempa bumi ageng Hanshin mawi kekuwatan 7,2 skala Richter ingkang damel sédanipun kirang langkung 5.500 jiwa. Gempa kasebut damel risak ageng ing kutha Kobe, Takarazuka, lan Pulo Awaji. Wonten ing kutha Himeji wonten Astana Himeji ingkang kalebet salah satunggaling Warisan Donya UNESCO [2].

Sajarah[sunting | sunting sumber]

Prefektur Hyogo kalebet provinsi ingkang rumiyinipun kagungan nama Harima, Tajima, Awaji, lan sapérangan Tamba. Ing pungkasan zaman Heian (taun 1180), Kaisar Antoku, Taira no Kiyomori, lan astana kekaisaran naté pindhah dhateng Fukuhara, papan ingkang samenika kawéntar minangka kutha Kobe. Ibu kota ing Fukuhara namung 5 wulan. Wilayah karesidenan Ako (samenika bagéyan saking Prefektur Hyogo) naté dipunpréntah déning Asano Takuminokami ingkang kedah nglampahi seppuku amargi nglarani Kira Kōzukenosuke ing Astana Edo. Prastawa paring piwales para samurai saking wilayah Ako awit saking sédanipun Asano Takuminokami kawéntar ing seni pertunjukan Jepang (kados Kabuki) minangka Chūshingura. Wonten ing njawinipun Jepang, prastawa menika kawéntar minangka cerita 47 Ronin.

Geografi[sunting | sunting sumber]

Ing Laut Pedalaman Seto ingkang misahaken Pulou Honshu lan Shikoku wonten Pulo Awaji. Wilayah lèr gadhah populasi ingkang langkung arang kejawi kutha Toyooka, déné wonten ing dhataran inggil namung wonten sapérangan désa-désa alit. Kathahipun para penduduk menika mapan wonten ing bagéyan kidul ingkang celak kalihan panté ingkang kalebet bagéyan saking wilayah metropolitan Osaka-Kyoto-Kobe. Nalika mangsa panas, prefektur Hyogo kondhang amargi panas lan lembab. Nalika mangsa adhem wilayah ing bagéyan lèr kathahipun mandhap salju, déné ing wilayah bageyan kidul namung kadang kala kemawon wonten salju. Hyogo winatesan kalihan Prefektur Osaka, Prefektur Kyoto, Prefektur Tottori lan Prefektur Okayama[3].

Kutha-kutha[sunting | sunting sumber]

Kutha alit lan Désa[sunting | sunting sumber]

Wonten sapérangan kutha alit lan désa ing saben distrik.

Cathetan suku[sunting | sunting sumber]

  1. ^ (id) Mengenal Prefektur di Jepang, (dipunakses tanggal 22 Februari 2013)
  2. ^ (id) Istana Himeji, (dipunakses tanggal 22 Februari 2013)
  3. ^ (id) Geografi, (dipunakses tanggal 22 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Prefektur_Hyogo&oldid=836920"