Taira no Kiyomori

Saka Wikipédia Jawa, bauwarna mardika basa Jawa

Taira no Kiyomori (平 清盛?) (1118 - 20 Maret 1181) ya iku samurai kang njabat kepala klan Taira ana ing pungkasan Jaman Heian.[1] Kiyomori ya iku samurai pisanan kang diangkat dadi pejabat tinggi kang dijenengi Daijō Daijin.[1] Sawisé jasa ana ing Pambrontakan Hōgen, Kiyomori olej ijin saka Kaisar Goshirakawa kanggo matèni Minamoto no Yoshitomo kang nglancarake Pambrontakan Heiji.[1] Sawisé njabat Daijō Daijin, klan Taira kang dipimpine bisa dadi kalan kang paling nguwasani Jepang.[1] Kakuwasan pamrantahan sakabehe ana ing tangane klan klan Taira sawisé Kaisar Goshirakawa dinyatakake dadi tahanan omah.[1] Nalika jaman semana, anggota klan Taira banjur umuk lan ngetokaké istilah,Heishi ni arazumba hito ni arazu.[1] Rasa umuk saka klan taira iki nyebabake rasa ora puas saka kalangan samurai.[1] Nalika wadyabala klan Minamoto nglancarake pambrontakan kanggo ngalahake klan Taira, Kiyomori mati amarga lara demam lan panas dhuwur.[1] Taira no Kiyomori lair ana ing Provinsi Ise nalika taun 1118 saka pewaris kepala klan Ise Taira kang jenenge Taira no Tadamori.[2] Ibune duwé jeneng Gion Nyogo kang makarya dadi punggawa pura, utawa adhine saka Gion Nyogo (nyogo ya iku gelar kanggo wong wadon kang makarya ana ing pura).[2] Miturut kisah Heike Monogatari, Kiyomori ya iku bayi saka kasil gayutan Kaisar Shirakawa karo Gion Nyogo kang diwènèhake marang Taira no Tadamori.[2] Taun 1129, bapake Kiyomori munggah pangkat dadi pejabat dhuwur kang tingkate Jugoige.[2] Sawisé bisa numpas komplotan bajak laut, bapake Kiyomori ditunjuk dadi Gyōbukyō lan kalungguhan iki kang mengkone diwarisake marang Kiyomori kang ditunjuk dadi panguwasa Provinsi Aki nalika taun 1146.[2]

Cathetan suku[besut | besut sumber]