Perang Candhu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Perang Candhu, Perang Opium (Cina prasaja: 鸦片战争; Cina tradisional: 鴉片戰爭; pinyin: Yāpiàn Zhànzhēng), uga diarani Perang Anglo-Cina, kang kedadéyan ing taun 1839 - 1842 lan 1856 - 1860[1] minangka kedadéyan ribut perkara dhagang antarané Cina nalika Dinasti Qing musuh Britania Raya. Wiwitané opium kang dikirim saka India menyang Cina dening Britania gawé perkara déning pamaréntah Cina kang ngedegaké ukum perkara obat-obatan.

Cina kalah ing perang iki, kadadéyan iki kang ndadèkaké anané Perjanjèn Nanjing lan Perjanjèn Tianjin. Saka perang iki ndadèkaké Hong Kong dikuwasani déning Britania Raya.

Wiwit Macartney teka, dol tinuku kain sutra lan tèh déning Inggris saka Tingkok dibayar nganggo opium saka India. Amarga saka iku ing Tiongkok akèh wong kang seneng candhu, ing Tiongkok wong kang wis seneng candhu mundhak akeh. Banujur Tiongkok nekake candu saka Inggris. Ing wektu iku suwene 40 taun nekake candhu wiwite 1000 kothak dadi 40.000 kothak. Amarga opium iki, negara dirugèkaké kanthi rong cara, sing pisanan kanthi cara mudhunaké SDM lan gawé sugihé bangsa kulon. Nalika wong sing wis seneng candhu nganti taun 1830-an nganti 10 yuta wong, mangka Kaisar Daoguang ngutus Lin Zexu (1785 ¡V 1850) supaya isa ngurangi babagan candhu iku. Banjur Lin ngobong candhu saka Inggris. Ing kana candhu uga diijoli nganggo dhuwek perak 10 tael lan teh 1 bal kango sa pethi candu. Lin uga wis tau gawe surat menyang Ratu Inggris supaya ngendhekake anggone ngirim candhu ing Tiongkok saka EIC (East India Company). Banjur Inggris ora sarujuk banjur perang karo Tiongkok. Banjur ana perang iku diarani perang Candhu.[2]

Sebab musababe Perang Candhu[sunting | sunting sumber]

Sasuwene pirang-pirang abad, wong Cina ora nduwe gegayutan karo negara utawa dunia manca. Akeh pedhagang manca Eropa kang kepengin dhagang karo Cina utamanae amarga sutera lan porselen misuwur banget ing Eropa. Ananging, pamarentah Cina mung ngijinake dhagang ing siji pelabuhan, yaiku ing Goungzhou (Kanton). Kanggo ngakali masalah iki, wong kang dodol candhu saka manca wiwit nyelundhupake candhu marang negara Cina, saengga padunung Cina kepeksa ngadol piranti-piranti larang ("berharga") kanggo dilintu karo candhu. Pamarentah Cina ngusahakake praktik iki. Taun 1839, pejabat Cina ing pamarentahane komisioner Dhuwur Cina ing Goungzhou, Lim Tse shu, nekani gudhang-gudhang Inggris banjur nyita lan mbakar 20.000 peti candhu.

Cathetan sikil[sunting | sunting sumber]

  1. ^ Hanes, William Travis; Frank Sanello (2002). Opium Wars: The Addiction of One Empire and the Corruption of Another. pp. 3.
  2. ^ www.mail-archive.com
Sumber artikel punika saking kaca situs web: "http://jv.wikipedia.org/w/index.php?title=Perang_Candhu&oldid=832465"