Opera

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg


Opera yaiku jeneng Italia kanggo drama kang diwujudaké musik (vokal, instrumental, lan kala-kala disartani tarian utawa beksan), asipat duniawi.[1]

Opera House kang misuwur ing Paris



Opera ing Italia[sunting | sunting sumber]

Florence[sunting | sunting sumber]

Opera wiwit ngrembaka kang pisanan ing Florence utawa Italia Lor.[2] Ing ngisor pimpinan ksatria kang jenengé Giovani Bardi, pangeran ing Vernio (1534-1614).[2] Dené, dhéwéké ora arep nyiptakaké jinis musik anyar (opera), ananging mung kepéngin mujudaké drama Yunani kang muniné uga nggunakaké musik.[2] Asal-usul opera cukup prasaja (sederhana) : drama Yunani kang terjemahan Itali dideklamasikaké karo tembang solo vokal karo iringan pira-pira alat musik.[2]

Venetia[sunting | sunting sumber]

Ing Venetia, ana komponis kang nyempurnakaké wujud musik iki, yaiku Claudio Monteverdi.[3] Monteverdi lair ing kutha Cremona (Italia Lor) kang misuwur kanthi kutha panggawé biola.[3] Jasa Monteverdi yaiku dhéwéké usaha kanggo ngungkapaké makna ing jero musik.[4] Opera kang kapisan karangan Monteverdi duwéni irah-irahan Orfeo taun 1607.[4] Opera iki dipentasake kapisan ing Mantua ing dina tanggap warsané Fr. Gonzaga.[4]
Pietro Francesco Cavalli yaiku komponis opera sakliyané Monteverdi.[5] Gayané rada dramatis, tuladhané ing opera II Giasone.[5]
Pietro (Marc) Antonio Cesti yaiku komponis liya ing Venetia.[5] Nyiptaaké musik kang luwih duwéni sipat lyris.[5]

Ciri Khas Opera Venetia[sunting | sunting sumber]

Opera gaya Venetia sugih ing resitatif lan accompagnato (liris utawa dramatis), arioso lan aris (kanthi iringan cembalo utawa orkes, ansambel).[5] Ananging, paduan swara lan balèt ora ana amarga babagan biaya.[5]
Liberatto utawa teks opera biasané dicétak lan didol kanggo diwaca saksuwéné opera karo lilin kanggo dilah.[5]

Roma[sunting | sunting sumber]

Ing Roma, ngrembaka siji gaya khas, yaiku Opera Rohani.[5]. séje kuwi, Roma uga dadi panggonanan lairé opera buffa utawa opera jenaka.[5]


Napoli[sunting | sunting sumber]

Napoli ing akhir abad-17 miwiti dadi pusat vokal, amarga ing kéné ana papat konservatori sarta sekolah-sekolah vokal swasta kang misuwur ing Eropah.[5]
Komponis-komponis kang misuwu saka Opera-Napoli biasané dipérang dadi 3 golongan :


Opera ing Prancis[sunting | sunting sumber]

  • Ballet de Cour

Ballet de cour yaiku tarian istana.[6] Jinis seni iki ditujokaké kanggo pujian marang sang Raja, awujud adegan-adegan kang ditarékaké utawa ditembangakè utawa disajekaké kanthi cara akrobat.[6]

  • Pastorale
  • Comédie-Ballet

mlebu ing jinis balet komedi.

  • Tragédie Lyrique (tragedi liris)
  • Opera-Balet

Pelopor opera-balet yaiku Jean-Philippe Rameau (1683-1764).[6] Rameau ngarang 26 Opera, ananging musiké ora diterima kabéh pihak.[6]

Opera ing Inggris[sunting | sunting sumber]

Ing wiwitan abad 17 ing Inggris wis ana siji pelopor opera kang istilahé Masque.[6] Diarani kaya mengkono, sebab para peran migunakaké topeng (masque).[6] Masque ngalami mangsa jaya wektu pementasan The Triumph of Peace kang naskahé dikarang déné Shirley.[6] Musiké ditulis William Lawes lan Simon Ives.[6]



  1. ^ Kodijat, Latifah. 1989. Istilah-istilah Musik.. Jakarta : Djambatan.
  2. ^ a b c d Prier, Karl-Edmund. 1993. Sejarah Musik Jilid 2. Jogjakarta : Pusat Musik Liturgi. hal : 16
  3. ^ a b Prier, Karl-Edmund. 1993. Sejarah Musik Jilid 2. Jogjakarta : Pusat Musik Liturgi. hal : 18
  4. ^ a b c Prier, Karl-Edmund. 1993. Sejarah Musik Jilid 2. Jogjakarta : Pusat Musik Liturgi. hal : 19
  5. ^ a b c d e f g h i j k l m Prier, Karl-Edmund. 1993. Sejarah Musik Jilid 2. Jogjakarta : Pusat Musik Liturgi. hal : 21-26
  6. ^ a b c d e f g h Prier, Karl-Edmund. 1993. Sejarah Musik Jilid 2. Jogjakarta : Pusat Musik Liturgi. hal : 27-33
Sumber artikel punika saking kaca situs web: "http://jv.wikipedia.org/w/index.php?title=Opera&oldid=829915"