Namaksin
Namaksin (나막신) yaiku jinis sepatu tradisional kas Koréa kang digawé saka kayu, kanggo njaga sikil saka banyu udan lan lumpur.[1][2] Namaksin wis dipigunakaké kawit jaman tengahan Dinasti Joseon (abad 16-17) adhedhasar bukti-bukti kang wis ditemokaké, senajan sabeneré isih suwé manèh.[1] Sepatu iki dipigunakaké déning masarakat Koréa ing mangsa mau lan biyasané dipigunakaké ing mangsa rendheng.[1]
Wiwitané, namaksin mung digawé saka kethokan kayu kang ditali, nanging suwéning suwé dadi sepatu kang dipadhakaké karo ukuran sikil.[1] Bagéan dhasaré kadhang-kadhang dilapisi wesi supaya awèt.[1] Ing bagéan ngisor ana sawijining hak kang langsung diukir nyawiji karo sepatu.[1] Jinis namaksin saka Pulo Jeju dianggep paling apik amarga digawé saka bahan ayu paulonia.[1] Uga ana namaksin kang dilapisi lilin tawon kanggo nyegah mlethèk.[1]
