Jipsin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jipsin

Jipsin (짚신) yaiku jinis sepatu tradisional kas Korea kang digawe saka bahan dami.[1][2] Istilah jipsin uga kanggo sepatu tradisional kang digawe saka bahan kain lan rami.[1] Sepatu jipsin kira-kira wis digunakake wong Korea kawit jaman Tiga Kerajaan (37 SM-668- M).[1] Ing pirang-pirang lukisan kuno, kerep digambarake sawijining wong lelana kang lelungan nggantungake sepatu damine ing gegere.[1] Ing mangsa Dinasti Joseon (1397-1910) akeh rakyat nggunakake jipsin minangka tatakan sikil ing saben dinane.[1] Ing mangsa kuwi, rakyat Korea akeh kang nyambut gawe ing bidhang pertanian, bahan dami kanggo gawe jipsin gampang ditemokake.[1] Biyasane wong-wong mau gawe jipsin ing mangsa atis, nalika ora lunga tegal saperlu tandur .[1]

Ing proses gawene, bageyan tatakan dirajut luwih disik, banjur pinggirane.[1] Jipsin digawe radha longgar lan nutupi bageyan driji tekan tengah-tengahing sikile wong kang nganggo.[1]

Cathetan suku[sunting | sunting sumber]

  1. ^ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. pp. 136-134. ISBN 89-8546-98-1.
  2. ^ (en)Jipsin, Korean straw shoes, joongangdaily. Diundhuh tanggal 10 Juni 2010.
Sumber artikel punika saking kaca situs web: "http://jv.wikipedia.org/w/index.php?title=Jipsin&oldid=831887"