Musiyum Sanabudaya
Koordhinat: 7°48′07″S 110°21′52″E / 7.8019387°S 110.3644618°E
| Musiyum Sanabudaya | |
|---|---|
 | |
| Tetélan pokok | |
| Cakrik yasan | Joglo Limasan, Jawa |
| Kutha | Jl. Trikora No. 6, Yogyakarta |
| Nagara | Indonesia |
| Diyasa kawit | 1934 |
| Rampung | 1935 |
| Technical details | |
| Size | 7.867 m2 |
| Rancangan lan yasan | |
| Arsitèk | Ir. Th. Karsten |
Musiyum Sanabudaya (cara Indonésia: Museum Sonobudoyo) inggih punika kalebet musiyum seni lan budaya ingkang paling pepak wonten ing Indonesia sasampunipun Musiyum Nasiyonal Indonésia ing Jakarta.[1]
Sajarah[besut | besut sumber]
Kala rumiyin, musiyum Sanabudaya punika kalebet Yayasan wonten ing babagan kabudayan.[1] Namanipun inggih punika Java Instituut ingkang ngadeg ing Surakarta taun 1919.[1] Ancasipun Java Instituut inggih punika nglestantunaken budaya Jawa, Sundha, Madura, lan Bali.[2] Wonten ing taun 1924 yayasan punika ndamel musiyum Sanabudaya wonten ing Yogyakarta.[1] Arsitèkipun asalipun saking Walanda inggih punika Thomas Karsten.[2] Musiyum Sanabudaya dipunresmikaken kaliyan Sri Sultan Hamengku Bawana VII tanggal 6 November 1935.[1] Papanipun musiyum wonten ing yasan bekas kantor Schauten, sisih kilènipun alun-alun lèr Kraton Ngayogyakarta.
Sapunika Musiyum Sanabudaya dipunpérang dados kalih unit inggih punika unit I wonten ing laladan Alun-alun Lèr Ngayogyakarta ingkang gadhah yasan utami, griya joglo gagrag Masjid Karaton Kasepuhan Cirebon, lan unit II wonten ing laladan Wijilan.[1]
Pratélan Kolèksi[3][besut | besut sumber]
- Kolèksi Géologika
- Kolèksi Biologi
- Kolèksi Étnografika
- Kolèksi Arkéologika
- Kolèksi Historika
- Kolèksi Numismatika
- Kolèksi Filologika
- Kolèksi Keramologi
- Kolèksi Seni rupa
- Kolèksi Téknologika
Pratélan Ruang[3][besut | besut sumber]
- Ruang Pamèran
- Ruang Auditorium
- Ruang Storage kolèksi
- Ruang Perpustakaan
- Ruang Laboratorium
- Ruang Preparasi
Ruang Pendhapa[besut | besut sumber]
Pola yasan Musiyum Sanabudaya adhedasar kaliyan pola yasan tradhisional Jawa.[3] Peresmianipun pendhapa tanggal 6 November 1935, bentukipun pendhapa inggih punika limas lambang tumpang sari mèh sami kaliyan Masjid Kanoman Cirebon, Jawa Kulon.[3] Munpangatipun pendhapa inggih punika ruangan kanggé nampi tamu ingkang kathah.[3] Nanging sapunika dinggé saperangkat gamelan kuna Cirebon Kyai Mega Mendhung wonten ing sisih kilèn, lan kalih perangkat gamelan sléndro lan pélog gagrag mataraman Kyai lan Nyai Riris Manis ingkang taksih dipuntabuh.[3]
Pirsani[besut | besut sumber]
Cathetan suku[besut | besut sumber]
- ↑ a b c d e f www.jogjatrip.com Archived 2016-03-05 at the Wayback Machine.(Kaundhuh tanggal 10 Juni 2012)
- ↑ a b wisata.kompasiana.com[pranala mati permanèn](Kaundhuh tanggal 10 Juni 2012)
- ↑ a b c d e f Pérangan Proyek Pembinaan Permuséuman DIY. 2001. Musiyum Negeri Sonobudoyo Yogyakarta. Yogyakarta.
Pranala njaba[besut | besut sumber]
Cithakan:Musiyum ing Yogyakarta Cithakan:Musiyum ing Indonésia
 | Artikel gegayutan musiyum iki minangka artikel rintisan. Kowé bisa ngéwangi Wikipédia ngembangaké. |