Kerambit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

kerambit

Kerambit yaiku jinis lading cilik sing bentukè mlengkung, kang uga minangka salah sijinè gegaman khas saka dhaérah Asia Tenggara, mliginè ing kepuloan Melayu.[1] Gegaman iki sinebut karambit ing Filipina, lan dikenal kanthi jeneng kerambit ing Indonesia lan Malaysia. Yén ing literatur barat sinebut "korambit" karana salah ngéja.

Asal[sunting | sunting sumber]

Kayadéné karo apa sing dibuktékaké dening akar etimologise, tembung kerambit kuwi asalé saka Jawa. Miturut carita rakyat, Kerambit kuwi digawe saka angen-angené wong biyen sing pèngin gawe alat kanggo ngrancasi suket, ngeriki damèn lan kagunan liyané sing ana gegayutané karo kagiyatan tani. Jalaran saya suwé fungsiné owah dadi gaman kanggo njaga dhiri, lading iki digawé rada mlengkung kanggo ngoptimalakè potensi nugelè kanthi jalur perdagangan ing Indonesia lan kontak karo nagari tangga, kerambit kuwi pungkasanè nyebar marang dhaérah sing saiki dadi negara Kamboja, Laos, Malaysia, Myanmar, Filipina, lan Thailand.

Miturut wong biyen, budaya Kerambit dianggep asor banget ing tanah Jawa awit gegaman iki mung dienggo dening kaum tani, sing bedha karo kaum Ksatria utawa prajurit karaton. Cathetan saka Eropa mbuktékakè yen ing jaman kerajaan biyèn para tentara utawa prajurit ing wilayah Indonesia (khususè Jawa) kuwi diwenehi persenjataan arupa keris ing buri lan uga tumbak ing tanganè, yén kerambit kuwi dienggo kanggo senjata pamungkas mbokmenawa nalika perang tandhing wis ora ana keris lan tumbak manéh ing paprangan. Nanging kerambit iki populer banget ing kalangan wong wadon. Biasanè kerambit iki ditalèni ing rambutè sing lirè digunakakè kanggo njaga dhiri.[2] Nganti saiki isih ana master silat sing nganggep kerambit iki minangka gegaman feminin. Pejuang terkenal Bugis saka Sulawesi kondhang awit anggone nggunakakè kerambit ing jurus-jurusè. Malah saiki kerambit dikenal minangka senjata silat ing nagara Filipina uga.

Pranala Jaba[sunting | sunting sumber]

  1. ^ (en)www.karambit.com
  2. ^ Sheikh Shamsuddin. The Malay art of self-defense: silat seni gayong. North Atlantic Books, 2005 ISBN 1-55643-562-2, 9781556435621. 247 pages. pp234
Sumber artikel punika saking kaca situs web: "http://jv.wikipedia.org/w/index.php?title=Kerambit&oldid=831205"