Hepatitis

Ati perangan saka awak sing diserang hepatitis

Hépatitis yaiku aran kang dienggo kanggo kabèh penyakit peradangan ati utawa liver. Peradangan kuwi istilah kanggo rusaké jaringan kanthi tanda saya aboh ing salah sijining pérangan awak. Penyakit hepatitis kuwi ana rong tipe, yaiku hepatitis akut sing suwene kurang saka 6 sasi lan hepatitis kronis sing suwene luwih saka 6 sasi.

Sebab-sebab

Bab-bab kang marakaké penyakit hèpatitis kuwi dipérang dadi loro, yaiku virus lan nonvirus. Virus utama kang marakaké hépatitis yaiku virus hépatitis A, B, C, D, lan E. Saliyané virus utama kuwi mau ana virus liya kang uga bisa marakaké hepatitis. Virus-virus liyané kuwi yaiku mononukleusis infeksiosa, demam kuning, lan sitomegalovirus. Dene sebab nonvirus kuwi bisa saka alkohol lan obat-obatan.

Jinis Hepatitis lan Cara Nimbalé

virus hepatitis A

virus hepatitis E

Saben jinis penyakit hépatitis duwé cara nimbal déwé-déwé kaya kang dijlèntrèhaké ing ngisor iki.

1. Hepatitis A kuwi salah siji penyakit hépatitis kang paling kerep kedadèn merga cara nimbalé kang gampang, yaiku liwat fésés. fésés kuwi gampang banget ngrusuhi pakanan lan banyu kanthi sarana kewan kayata laler.
2. Hepatitis B cara nimbalé ora segampang hépatitis A. Virus Hepatitis B nimbal liwat getih lan produk getih.. Saliyané saka getih, Hepatitis B uga ditimbalaké liwat banyu mani, regetan vagina, ASI, lan iler.
3. Hepatitis C rata-rata ditimbalaké liwat transfusi getih lan dom suntik. Akeh-akehé sing ketimbalan hepatitis C kuwi pecandu narkoba.
4. Hepatitis D nimbal maring wong sing wis kecanduan obat-obatan. Biyasané nimbal bebarengan karo Hépatitis B lan ndadékaké Hepatitis B saya nemen larané.
5. Hepatitis E duwé cara kang pada karo cara nimbalé hépatitis A, yaiku nimbal liwat panganan lan ombénan kang ora resik. Umume nimbal ing negara-negara kawuri.
6. Hepatitis F durung ana katrangan kang gamblang ngenani hépatitis F iki merga kasus sing ana mung sithik.
7. Hepatitis G iki diidentifikasi jinis anyar saka virus hépatitis . Katrangan ngenani virus hepatitis G iki uga durung akèh.

Tanda-tanda penyakit Hépatitis

werna mata dadi kuning salah sisji tanda kena hepatitis

Tanda-tanda umum yen wong kena hepatitis yaiku.

1. Lemes lan cepet kesel.
2. Metu werna kuning ing membran / selaput permukaan organ nganti selaput kulit.

Tanda-tanda sing luwih khusus manut jinis hépatitis yaiku kaya sing dijléntréhaké ing ngisor iki.

1. Hépatitis A :Minggu sepisan, pasièn ngalami lara kaya lara kuning, lemes, panas terus-terusan, ilang rasa kepengin mangan, mutah-mutah, ngelu, lan uyuh sing wernane ireng.
2. Hépatitis B :Khusus tanda hépatitis B akut yakuwi panas, lara weteng, lan kulit katon luwih kuning. Paling ketok yen werna awak malih bisa dingeti saka dhaérah mata bagian putih (sklera). Nanging kanggo hépatitis B kronik, tanda-tandané ora katon.
3. Hépatitis C :Luwih kerep ora ngatonaké tanda apa-apa. Nanging sama-samar tanda hepatitis C iki yaiku cepet kesel, nafsu mangan ilang, lara weteng, urine katon peteng, kulit lan mata katon kuning (jaundice).
4. Hépatitis D :Biyasané tanda-tanda hepatitis D iki metu ujug-ujug kayata flu, panas, penyakit kuning, uyuh warna ireng lan feses warna ireng semu abang.
5. Hépatitis E :Ora ana tanda sing katon nalika virus hépatitis E iki nyerang bocah cilik, nanging yen nyerang wong tuwa, tanda-tandané yaiku flu,lara weteng, penyakit kuning, uyuh warna ireng.
6. Hepatitis F :
7. Hepatitis G :Ora ana tanda khusus ing penyakit hepatitis G iki.