Guwa Brahala
Guwa Brahala punika salah satunggaling papan pariwisata sajarah ingkang mapan wonten ing Gunungkidul mliginipun wonten ing kacamatan Karangmojo, Gunungkidul, Yogyakarta. Wonten ing Guwa Braholo kapanggih fosil manungsa purba kanthi wetah (wutuh). Ingkang kapanggihaken kanthi kathah 10 fosil. Ekskavasi Guwa Braholo naté dipunlampahi kaping pindho déning Tim Pusat Penelitian Arkéologi Nasional kaliyan Tim Fakultas Ilmu Budaya Universitas Gadjah Mada Yogyakarta. Wonten ing eksvakasi mau tim kekalih punika manggihaken fosil kerangka manungsa purba kanthi umur kirang langkung 10.000 taun SM [1].
Patemon punika dados satunggaling pérangan wigatos kanggé nyusun pola panyebaran manungsa purba saking Afrika ingkang mlebet dhateng Nusantara antawisipun 100.000-160.000 SM. Ras Austromelanesia ingkang sapunika dipunkenal minangka tiyang Papua, mlebet dhateng Nusantara nalika laladan punika taksih dados satunggal daratan kaliyan Asia. Lajeng gèsèr dhateng wétan kanthi nilaraken sisaning fosil wonten ing papan-papan kados ing Guwa Babi lan Niah ing Kalimantan saha Guwa Braholo ing Gunungkidul. Saking patemon ing Guwa Braholo punika, mata rantai migrasi ras Austromelanesia kapanggihaken.
Kanthi patemon mau ugi saged mangertos bilih Guwa Braholo punika dados papan kanggé omah-omah dumugi ngubur manungsa. Kajawi punika manungsa purba punika saged ngginakaken kekayaan alam kanggé kabetahan gesang.
Ing Guwa Braholo ugi wonten tandha-tandha piranti kanggégesang awujud mata anak panah ingkang kadamel saking watu. Ugi wonten watu serpih utawi flake ingkang kadamel saking balung saking jaman praneolitikum minangka kabudayan ras Austromelanesia.
Guwa punika nyimpen potensi kaéndahan lukisan alam. Kendahan mau katon wonten ing ornamen gua kados stalagmit, stalagit, gourden, radastory kaliyan pilar [2].
Fasilitas[besut | besut sumber]
Guwa Braholo ingkang taksih asri punika dados papan pariwisata sajarah lan wisata alam. Kajawi punika Guwa Braholo asring kaginakaken kanggé papan caving utawi susur guwa déning para Pecinta alam. kaéndahan ing paling ngeremenaken punika fénomena ngandhaping lumah guwa ingkang kathah stalaktit, stalakmit, lan ilining lèpèn sangandhaping lemah [2].
Guwa Braholo punika ngremenaken kanggé wisata susur guwa amargi gowa punika kalebet gowa vertikal. Kanthi tigang pitch, ingkang kapisan kanthi jero kirang langkung 35 mèter, kaping kalih 6 mèter kanthi tantangan kathah watu ageng (boulder) lan ingkang nomer tiga kedah nglampahi pérangan guwa ingkang mangandhap kanthi jero kirang langkung 2 mèter kanthi miring 25 drajat, saéngga total pitch nomer tiga punika 5 mèter.
Akses lan Tiket[besut | besut sumber]
Papan pariwisata alam Guwa Braholo punika saged kejamah kanthi ngginakaken kendharakan pribadi. Manawi para wisatawan badhé ngersakaken angkudan umum saged ngginakaken colt warni ijo saking Terminal Wonosari kanthi jurusan Karangmojo. Wonten in Guwa punika boten mbayar tiket nanging ingkang rawuh kedah kersa njagi kalestantunan lan keasrian saking guwa punika. Kajawi punika para wisataman boten kénging ngrisak situs tilaran ingkang awis sanget reginipun punika.
Cathetan suku[besut | besut sumber]
- ↑ [1][pranala mati permanèn] (id) http://yogyakarta.panduanwisata.com Archived 2012-12-17 at the Wayback Machine. (dipun-akses tanggal 24 November 2012).
- ↑ a b Gua Braholo - Jogjatrip Archived 2013-04-26 at the Wayback Machine. (id) http://jogjatrip.com Archived 2012-12-06 at the Wayback Machine. (dipun-akses tanggal 24 Oktober 2012).