Ginsèng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ginseng
Godhong lan woh Panax quinquefolius
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Apiales
kulawarga: Araliaceae
Subkulawarga: Aralioideae
Genus: Panax
L.
Spesies

Subgenus Panax

Section Panax
Series Notoginseng
Panax notoginseng
Series Panax
Panax bipinnatifidus
Panax ginseng
Panax japonicus
Panax quinquefolius
Panax vietnamensis
Panax wangianus
Panax zingiberensis
Section Pseudoginseng
Panax pseudoginseng
Panax stipuleanatus

Subgenus Trifolius

Panax trifolius

Ginsèng (Panax) menika jinising terna mawi khasiat obat ingkang kalebet ing suku Araliaceae. Ginsèng tuwuh ing wilayah belahan bumi sisih lèr mliginipun wonten ing Siberia, Manchuria, Korea, lan Amerika Serikat. Jinis ginsèng tropis saged dipunpanggihaken wonten ing Vietnam, inggih menika Panax vietnamensis. Nama "ginsèng" dipunpendhet saking Basa Inggris ingkang dipunwaos ndhèrèk lafal Basa Kantonis, jên shên, wonten ing Basa Mandarin dipunwaos "ren shen", "人蔘" (duplikat manungsa), amargi wujuding oyot ingkang kados manungsa. Gingsèng dipunginakaken wonten ing pangobatan tradisional. Oyot saking tuwuhan menika saged nglancaraken aliran lan nginggilaken produksi sèl getih abrit sarta paring pambiyantu pamulihan saking penyakit. Ing Indonesia wonten ugi tuwuhan ingkang kagungan khasiat sami kalihan gingsèng inggih menika ginseng Jawa utawi som jawa, Talinum paniculatum Gaertn. lan kolesom, Talinum triangulare Wild. Ing sajroning pangobatan tradisional oyotipun dipuncampur kalihan manéka jinis obat lan ingkang paling kawéntar wonten ing wujud campuran anggur. Kajian babagan khasiat lan mupangatipun gingsèng sampun dipunwontenaken kanggé ndadosaken kolesom minangka ginsèng Indonesia.

Panax schinsen[sunting | sunting sumber]

Panax schinsen utawi ginsèng korea menika jinising gingsèng ingkang asalipun saking Korea.[1]

Tiyang Korea nyebat ginsèng minangka insam.[2] Ing Korea, Panax schinsen liar ingkang tuwuh wonten ing wana pagunungan dipunsebat sansam (ginsèng gunung). Sansam menika ginseng liar, déné insam menika ginsèng ingkang dipundamel budidaya.[2] Sanajan kapan kapisan ginsèng dipundamel budidaya wonten ing Korea boten dipunmangertosi ananging kualitasipun sampun dipunmangertosi dangu.[2] Salah satunggal produkipun dipunmangertosi kanthi nama goryeo insam (ginsèng goryeo/ginseng Korea).

Ginsèng korea menika gadhah kualitas ingkang saé amargi dipuntandur wonten ing lemah ingkang subur mawi iklim ingkang trep.[2] Sampun dangu tiyang Korea ngregani ginseng lan gadhah kekajengan kanggé nduwèni gingseng.[2] Tiyang ingkang madosi ginsèng ingkang tuwuh kanthi liar wonten ing gunung lajeng dipunsadé dipunwastani sinamani (penggali ginsèng liar).[2] Amargi mastani sansam minangka bebungah dewa gunung (sansin), sadèrèngipun ngedhuk ginseng kaawiwitan kanthi ndedonga rumiyin dhumateng dewa gunung lan ngatos-atos anggènipun ngendikan lan tumindak. Menawi manggihaken sansam lajeng mbengok "sim bwatda" (kula sampun manggihaken). Lajeng nglampahi ritual dhumateng dewa gunung sadèrèngipun ngedhuk kanthi ngatos-atos. Wonten ing mitologi Korea, sansam menika obat minangka bebungah saking dewa.[2] Piyambakipun saged urip lan micara. [2] Samenika insam sampun dipundamel budi daya kanthi wiyar amargi khasiat lan mupangatipun kagem manungsa, antawisipun nglawan kanker lan penyakit, minangka tonik, bahan dhaharan, unjukan kanggé kasarasan lan sanèsipun.[2]

Pirsani ugi[sunting | sunting sumber]

Cathetan suku[sunting | sunting sumber]

  1. ^ (en)Yulia; Wientarsih, Ietje; Razief, Norman (2006). "The Study of Phytochemistry of Java Ginseng Compare to Korean Ginseng". Journal of Agriculture and Rural Development in the Tropics and Subtropics (kassel): 45. http://www.uni-kassel.de/upress/online/frei/978-3-89958-247-5.volltext.frei.pdf.
  2. ^ a b c d e f g h i An Illustrated Guide to Korean Culture - 233 traditional key words. Seoul: Hakgojae Publishing Co. 2002. pp. 467. ISBN 89-8546-98-1.

Pranala njawi[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Ginsèng&oldid=866443"