Fatamorgana

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Fatamorgana ing padhang pasir

Fatamorgana yaiku salah siji kadadèyan utawa fenomena optis kang biyasané ana ing panggonan kang amba kayata padhang gesik utawa padhang ès. [1] Fatamorgana bisa diarani gambaran kang diwangun déning hawa utawa udhara. [2] Fatamorgana disebabaké amarga salapis udhara kang panas lan tipis ing sandhuwuré panggonan, hawa iki nekuk utawa mbéngkokaké cahya saka langit saéngga katon teka saka dalan.[2] Saka prastawa iki katon kaya pantulan kang katon kaya ana banyu ing sandhuwuré panggonan kang panas.[2] Miturut èlmu fisika, fenoména optik iki kadadéyan amarga cahya kang kuwat dibengkokaké nalika ngliwati lapisan hawa kang nduwèni suhu kang panas ing lapisan atmosfer.[2]

Fatamorgana uga ditemtokaké déning titik pangamatan. [2] Sangsaya dhuwur titik pangamatan, fatamorgana saya ora cetha.[2] Fatamorgana cetha nalika manggon ing titik pengamatan kang cendhèk.[2]Para pelaut biyasané ngertèni pulo kang nglayang ing udhara, iki kadadéyan nalika para pelaut ngematna pemandangan laut saka kapal kanthi panggonan kang dhuwuré loro utawa telung meter ing sandhuwuré segara lan uga saka panggonan kang rata.[2]

Umpamané ing gunung pasir, fatamorgana arupa tlaga utawa banyu utawa kutha. [1]Iki sabeneré ora nyata.[1] Fatamorgana disebabaké pantulan saka langit kang dipantulaké hawa panas. [1]Hawa panas iki gunané kanggo dadi kaca utawa pengilon kang mantulaké kahahan ing salah siji panggonan.[1] Amarga ora kadadéyan kang sabeneré mulané fatamorgana uga diarani apusan mata.[2]

Ora mung ing gunung pasir kang panas, fatamorgana uga kadadéyan ing wajan kang isiné lenga kang panas lan ing dalan kang panas nalika wayah awan. [2] Fatamorgana uga bisa kadadéyan ing kutub. [2]Biyasané kadadéyan nalika kahanan lagi cerah lan hawané rada panas ing panggonan kang ana lapisan ès.[2] Lapisan ès iki marakaké hawa dadi mudhun. [2]

Tembung fatamorgana dijupuk saka basa Italia.[1] Tembung iki asalé saka jeneng duluré wadon Raja Arthur yaiku Faye le Morgana.[1] Dhèwèké arupa peri utawa widodari kang bisa malih wujud.[1]

Cathetan sikil[sunting | sunting sumber]

  1. ^ a b c d e f g h (id)artikata.com(diaksès tanggal 3 Juli 2011)
  2. ^ a b c d e f g h i j k l m (id)wartawarga.gunadarma.ac.id(diaksès tanggal 3 Juli 2011)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Fatamorgana&oldid=830883"