Bujana Ndalu

Bagéan saka seri babagan Yesus Kristus Gambar:Title jesus.jpg

Asma lan sesebutan Yesus • Kristus • Mesias • Isa Almasih • Juruselamat

Yesus Kristus lan Kekristenan Kronologi • Kalairan • Silsilah Pembaptisan • Pelayanan • Mukjizat Perumpamaan • Perjamuan Terakhir • Penangkapan Pengadilan • Penyaliban • Kematian Penguburan • Kebangkitan • Kenaikan Kedatangan kedua • Penghakiman

Ajaran utama Yesus Kristus Mesias • Kotbah ing Bukit Doa Bapa Kami • Hukum Kasih Perjamuan Malam • Amanat Agung

Pandangan terhadap Yesus Pandangan Kristen Pandangan Islam Pandangan Yahudi Yesus jroning sajarah Yesus jroning karya seni

Bujana Pungkasan déning Leonardo da Vinci (1498).

Bujana Pungkasan (ngoko: Bujana Akir) utawi Bujana Ndalu utawi cariyos ingkang dipunparingi tajuk Yesus kembul dhahar Paskah sesarengan murid-murid Dalem déning Lembaga Alkitab Indonésia inggih punika wekdal kembul dhahar pungkasan antawisipun Yesus lan kalihwelas rasul sadèrèngipun séda. Prastawa kasebat dipunserataken ing Matius 26:17-29, Markus 14:12-25, Lukas 22:7-38, lan Yohanes 13:1-38 (ingkang nyerataken ngéngingi Yesus mijiki suku murid-murid Dalem). Bujana pungkasan sampun dados subyèk saking kathah lukisan, ing antawisipun ingkang paling misuwur déning Leonardo da Vinci.

Yesus kembul dhahar Paskah sesarengan murid-murid Dalem

Dinten kasebat arupi dinten sepindhahan saking dinten riyadi Roti Mboten Mawi Ragi, utawi ingkang dipunsebat Paskah Yahudi. Murid-murid Yesus lajeng nyawisaken bujana Paskah kagem Yesus. Nalika kembul dhahar, Yesus maringi sumerep bilih salah setunggil ing antawisipun murid-mudir Dalem badhé masrahaken Yesus (dhumateng para pangajeng agami ingkang gething dhumateng Yesus). Murid-murid Yesus ingkang mboten mangertos sinten tiyang ingkang dipunmaksudaken rumaos sungkawa mireng perkawis kasebat.

Panetepan Bujana Ndalu

1 Korintus 11:23-29:

Yesus mundhut roti lan sakwise caos sukur marang Gusti Allah, roti mau nuli dicuwil-cuwil karo ngandika: "Iki badan-Ku, sing Dakwènèhaké marang kowé. Iki padha tampanana minangka pengéling-éling marang Aku." Mengkono uga sawisé dhahar, Gusti nuli mundhut tuwungé, sarta ngandika: "Tuwung iki prejanjian anyar saka Gusti Allah, prejanjian sing disahaké srana getih-Ku. Saben-saben kowé padha ngombé saka tuwung iki, padha tindakna minangka pengéling-éling marang Aku."

Yesus mijiki suku murid-murid Dalem

Sadèrengipun bujana, Yesus nguculi rasukanipun ngantos katon ageman lebetipun lan mundhut setunggal lembar kain pethak lan setunggal mangkok toya. Murid ingkang sepindhahipun dipunwijiki sukunipun inggih punika Yohanes. Salaminipun mijiki, Yesus ugi mijiki suku Yudas Iskariot. Sasampunipun rampung, Yesus ngagem malih rasukan Dalem.

Priksani ugi

• Sakramèn Bujana Suci ingkang dipundhasaraken dhumateng prastawa puniki.

Pranala njawi

Pirsani galeri bab Bujana Ndalu ing Wikimedia Commons.

• Perjamuan Terakhir Resolusi Ultra