Ka'bah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Baitullah)
Langsung menyang: pandhu arah, pados
Kakbah

Wong kang lagi donga ing Kakbah (tengah foto)
Informasi umum
Lokasi Flag of Arab Saudi Mekkah, Saudi Arabia
Koordinat 21°25′21.03″S 39°49′34.34″E / 21.4225083°S 39.8262056°E / -21.4225083; 39.8262056

Ka'bah iku sawijining bangunan awangun kubus sing dumunung ing satengahing Masjid Al Haram ing Mekkah. Bangunan iki minangka monumen suci kanggoné kaum muslim (umat Islam). Minangka bangunan sing didadèkaké pathokan arah kiblat utawa arah patokan kanggo ibadah umat Islam ing saindhenging donya kayata shalat. Saliyané iku, minangka bangunan sing wajib ditekani utawa diziarahi nalika musim kaji lan umrah.

Dimensi struktur bangunan ka'bah luwih kurang ukuran 13,10m dhuwur kanthi sisi 11,03m lan 12,62m. Uga disebut kanthi jeneng Baitullah.

Katrangan gambar: 1. Hajar Aswad 2. Lawang ka'bah 3. Talang pancuran mas 4. Syadzarwan 5. Hijir Ismail 6. Multazam 7. Maqam Ibrahim 8. Rukun Hajar Aswad 9. Rukun Yamani 10. Rukun Syami 11. Rukun Iraqi 12. Kiswah (kain panutup ka'bah) 13. Garis coklat kanggo miwiti thawaf, saiki wis ora ana manèh.

Sajarah perkembangan[sunting | sunting sumber]

Ka'bah sing uga diarani Baitul Atiq utawa omah tuwa iku bangunan sing dipugar nalika jaman Nabi Ibrahim lan Nabi Ismail sawisé Nabi Ismail manggon ing Mekkah atas printah Allah SWT. Jroning Al-Qur'an, surah 14:37 kasebut yèn situs suci Ka'bah wis ana nalika Nabi Ibrahim mapananké Siti Hajar lan bayi Ismail ing lokasi kasebut.

Ing mangsa Nabi Muhammad SAW yuswa 30 taun (Kira kira 600 M lan durung diangkat dadi Rasul wektu semana), bangunan iki direnovasi manèh awita anané banjir bandhang ing kutha Mekkah. Nganti ana pasulayan antar kepala suku utawa kabilah nalika bakal masang manèh watu Hajar Aswad nanging saka cara sing diajokaké déning Muhammad SAW pasulayan kasebut bisa dicegah tanpa wutahing ludira lan ora ana pihak sing dirugèkaké.

Nalika Muhammad diangkat dadi Nabi nganti kapindahané menyang Madinah lingkungan Ka'bah kebak reca kanggo sesembahan bangsa Arab nalika jaman pepeteng (jahilliyah) kamangka miturut ajaran Nabi Ibrahim sing dadi cikal bakalé bangsa Arab lan bangsa Yahudi sarta ajaran Nabi Musa marang kaum Yahudi, Tuhan ora olèh disembah kanthi dipadhakaké karo barang utawa makhluk apa waé lan ora nduwèni perantara sarta tunggal ora ana sing madhani lan ora peputra lan ora dilairaké (Surat Al Ikhlas jroning Al-Qur'an) . Ka'bah pungkasané diresiki saka reca-reca mau nalika Nabi Muhammad mbébasaké kutha Mekkah tanpa wutahing ludira.

Sabanjuré wangunan ka'bah diurus lan diopèni déning Bani Sya'ibah minangka juru kunci ka'bah lan administrasi sarta pelayanan kaji diatur déning pamaréntahan khalifah Abu Bakar, Umar bin Khattab, Utsman bin Affan, Ali bin Abi Thalib, Muawwiyah bin Abu Sufyan, Dinasti Ummayyah, Dinasti Abbasiyyah, Dinasti Usmaniyah Turki, nganti wektu iki yakuwi pamaréntah krajaan Arab Saudi sing tumindak minangka pelayan loro kutha suci, Mekkah lan Madinah.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Ka%27bah&oldid=815821"