Bani Abbasiyah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
العبّاسدين
Kekhalifahan Abbasiyah
Fatimid Flag.png
750 – 1258 Flag of Afghanistan (1880–1901).svg
Location of Abbasiyah
Wilayah kakuwasn paling jembar Bani Abbasiyah
Ibu kutha Bagdad, Kairo
Basa Arab(resmi), Aram, Armenia, Berber, Georgia, Yunani, Yahudi, Persia Tengah, Turkik
Agama Islam
Pamaréntahan Monarki
Sajarah
 - Didirikan 750
 - Dibubarkan 1258

Bani Abbasiyah utawa Kakhalifahan Abbasiyah (Arab: العبّاسدين, al-Abbāsidīn) iku kakhalifahan kang kapindho Islam kang kuwasa ing Baghdad (saiki ibu kutha Irak). Nalika jaman iki Islam lagi ana ing jaman kang makmur, utawa asring disebut The Golden Age. Nalika iku Islam lagi ana ing kamulyan ing kabèh perkara, babagan ékonomi, peradaban, lan pamaéentahan. Saliyané iku uga thukul èlmu-èlmu, lan akèh wong kang nerjemahaké buku-buku saka basa manca menyang basa Arab. [1] Bani Abbas marisi mulyané Bani Umayah, mula Bani Abbasiyah bisa mulya. Nalika Bani Umayah arep ambruk ana akèh kedadéyan ing negara, kayata : ana khalifah sing nglakoni kasalahan kang gawé cidra ing ajaran agama Islam. Salah sijiné Bani Umayah kang ngucilaké kaum mawali kang ndadèkaké akèh warga kang ribut.[1]

Bani Abbas wis mulai ngrebut dhaerah-dhaerah wiwit jaman khalifah Umar bin Abdul Aziz (717-720 M). Khalifah iki dikenal anggone apikan marang Syiah. Keturunan Bani Hasyim lan Bani Abbas kang disiya-siya dening Daulah Umayah ngedekake grombolan kanggo mungsuhi Daulah Umayah lan ngedekake Daulah Abbasiyah.[1]

Nalika dipimpin déning Muhammad bin Ali Al-Abbasy, nglakoni perang kanthi rong cara, siji kanthi sesidheman, kang kapindho kanthi cara langsung . Nalika dipimpin Muhammad, Bani Abbas olèh pendhukung akèh, ana uga sing biyèn ndhukung Bani Umayah mèlu mlebu ing Bani Abbasiyah.

Daulah Abbasiyah tekan pucuking kamulyan nalika dipimpin déning Harun Ar-Rasyid. Dhèwèké iku wong kang solèh, agamané apik, seneng wèwèh, lan asring dipadhakaké karo Khalifah Umar bin Abdul Azis saka Bani Umayyah. Nalika dadi pemimpin dhèwèké asring metu bengi kanggo mriksa, lan jaga wargané.[2]

Cathetan sikil[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Bani_Abbasiyah&oldid=839861"