Ésuk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Wayah ésuk mawa pedhut

Ésuk iku pérangan wektu wiwitan ing sawijining dina. Jroning kabudayan Indonésia, ésuk arupa wektu wiwit saka tengah wengi nganti watara tabuh 10.00. Wektu ésuk miwiti wektu jroning sedina, sadurungé wektu awan, soré lan wengi.

Ing kabudayan Éropah lan Amérika Sarékat, makna ésuk nisa diwiwiti saka subuh nganti awan. Nanging bisa uga wiwit saka tengah wengi nganti awan. Jroning kabudayan sing migunakaké siklus wektu 12 jam, périodhe tengah wengi nganti awan iki disebut minangka ante meridiem, A.M., a.m., utawa am.

Jroning kabudayan Jawa, wektu ésuk iki dipérang manèh dadi:

  • Jago kluruk sepisanan, watara tabuh 03.00
  • Bedhug telu (Subuh, watara tabuh 04.00
  • Jago kluruk pindho, watara tabuh 04.30
  • Jago kluruk ping telu, watara tabuh 05.00
  • Saput lemah, watara tabuh 05.30
  • Byar watara tabuh 06.00
  • Gumatel, watara tabuh 09.00
  • Pecat Sawed, watara tabuh 10.00
  • Wisan gawé, watara tabuh 10.00

Tumindak sing apik ing wayah ésuk[sunting | sunting sumber]

Wayah ésuk nalika tangi turu awak kerep krasa lungkrah, saéngga apiké supaya badan tetep séhat lan siap makarya ana sawetara kabiyasaan utawa tumindak sing apik sing perlu diayahi saben ésuk, yaiku: 1. Tangi turut nalika awak isih krsa lungkrah aja langsung tumindak sing abot, nanging apiké nindakaké senam peregangan otot-otot luwih dhisik. Peregangan pérangan awak kaya driji, otot sikil, geger, gulu lan pérangan awak liyané. Tumrap sing nganut agama Islam peregangan iki uga bisa diayahi sinambi nglakoni ibadah shalat subuh. 2. Ngombé banyu putih sadurungé sarapan. 3. Sarapan sing sugih kandhutan protèin. 4. Olahraga ésuk. 5. Ngombé kopi secamgkir kanggo ningkataké konsèntrasi[1].

Réferènsi[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Ésuk&oldid=834027"