ꦠ꧀ꦭꦒꦱꦫꦁꦔꦤ꧀
ꦗꦮ
|
| ꦠ꧀ꦭꦒꦱꦫꦁꦔꦤ꧀ | |
|---|---|
 ꦠ꧀ꦭꦒꦱꦫꦁꦔꦤ꧀ ꦲꦶꦁ ꦩꦁꦱ ꦲꦶꦤ꧀ꦝꦶꦪ ꦤꦺꦣꦼꦂꦭꦺꦤ꧀ (1931) | |
| Negara | ꦆꦤ꧀ꦝꦺꦴꦤꦺꦱꦶꦪ |
ꦠ꧀ꦭꦒꦱꦫꦁꦔꦤ꧀ (ꦭꦠꦶꦤ꧀: Tlaga Sarangan) ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦥꦥꦤ꧀ ꦮꦶꦱꦠ ꦮꦸꦗꦸꦢ꧀ ꦠ꧀ꦭꦒ ꦠꦺꦴꦪ ꦲꦶꦁꦏꦁ ꦢꦸꦩꦸꦤꦸꦁ ꦮꦺꦴꦤ꧀ꦠꦼꦤ꧀ ꦲꦶꦁ ꦱꦔꦤ꧀ꦝꦥ꧀ꦥꦶꦁ ꦒꦸꦤꦸꦁ ꦭꦮꦸ,[1] ꦲꦸꦒꦶ ꦲꦱꦿꦶꦁ ꦱꦶꦤꦼꦧꦸꦠ꧀ ꦠ꧀ꦭꦒ ꦥꦱꦶꦂ. ꦠ꧀ꦭꦒꦱꦫꦁꦔꦤ꧀ ꦥꦸꦤꦶꦏ ꦏꦊꦧꦼꦠ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦮꦼꦮꦼꦁꦏꦺꦴꦤ꧀ ꦏꦕꦩꦠ꧀ꦠꦤ꧀ ꦥ꧀ꦭꦲꦺꦴꦱ꧀ꦱꦤ꧀, ꦏꦧꦸꦥꦠꦺꦤ꧀ ꦩꦒꦼꦠꦤ꧀, ꦗꦮ ꦮꦺꦠꦤ꧀.[2] ꦊꦉꦱ꧀ꦱꦶꦥꦸꦤ꧀ ꦲꦶꦁꦒꦶꦃ ꦮꦺꦴꦤ꧀ꦠꦼꦤ꧀ ꦲꦶꦁ ꦱꦸꦏꦸꦤꦶꦥꦸꦤ꧀ ꦒꦸꦤꦸꦁ ꦭꦮꦸ. ꦱꦏꦶꦁ ꦩꦒꦼꦠꦤ꧀ ꦩꦶꦁꦒꦃ ꦤ꧀ꦢꦼꦢꦼꦂ ꦏꦶꦫꦁ ꦭꦁꦏꦸꦁ 17 km. ꦩꦤꦮꦶ ꦱꦏꦶꦁ ꦠꦮꦁ ꦩꦔꦸ ꦏꦶꦫꦁ ꦭꦁꦏꦸꦁ 15 km. ꦉꦢꦶꦤꦶꦥꦸꦤ꧀ ꦲꦭꦸꦱ꧀, ꦩꦺꦁꦒꦏ꧀-ꦩꦺꦁꦒꦺꦴꦏ꧀, ꦱꦼꦱꦮꦁꦔꦤ꧀ꦤꦶꦥꦸꦤ꧀ ꦤꦼꦁꦱꦼꦩ꧀ꦩꦏꦼꦤ꧀. ꦢꦺꦤꦺ ꦔꦶꦁꦒꦶꦭ꧀ꦭꦶꦥꦸꦤ꧀ ꦥꦥꦤ꧀ ꦲꦺꦤ꧀ꦢꦃ ꦥꦸꦤꦶꦏ ꦏꦶꦫꦁ ꦭꦁꦏꦸꦁ 12.287 m ꦱꦏꦶꦁ ꦭꦸꦩꦿꦃꦲꦺ ꦱꦼꦒꦫ.
ꦏꦮꦺꦴꦤ꧀ꦠꦼꦤ꧀ꦤꦤ꧀
[besut | besut sumber]ꦠ꧀ꦭꦒ ꦥꦸꦤꦶꦏ ꦮꦶꦪꦂꦫꦶꦥꦸꦤ꧀ ꦏꦶꦫꦁ ꦭꦁꦏꦸꦁ 30 ꦲꦺꦏ꧀ꦠꦂ ꦭꦤ꧀ ꦗꦼꦫꦺꦴꦤꦶꦥꦸꦤ꧀ 28 ꦩꦺꦠꦼꦂ.[1] “ꦱꦸꦲꦸ ꦲꦸꦣꦫ” ꦲꦤ꧀ꦠꦮꦶꦱ꧀ꦱꦶꦥꦸꦤ꧀ 180 C-250 C.[1] ꦠ꧀ꦭꦒꦱꦫꦁꦔꦤ꧀ ꦱꦒꦼꦢ꧀ ꦤꦫꦶꦏ꧀ ꦏꦮꦶꦒꦠꦺꦤ꧀ꦤꦤ꧀ꦤꦶꦥꦸꦤ꧀ ꦥꦫ ꦮꦶꦱꦠꦮꦤ꧀ ꦔꦤ꧀ꦠꦺꦴꦱ꧀ ꦲꦠꦸꦱ꧀ꦱꦤ꧀ ꦲꦺꦮꦸ ꦱꦧꦼꦤ꧀ ꦠꦲꦸꦤ꧀ꦤꦶꦥꦸꦤ꧀.[1] ꦥꦿꦩꦶꦭ ꦥꦶꦲꦏ꧀ ꦣꦶꦤꦱ꧀ ꦥꦫꦶꦮꦶꦱꦠ ꦱꦗꦏ꧀ꦏꦶꦥꦸꦤ꧀ ꦱꦼꦁꦏꦸꦠ꧀ ꦩ꧀ꦧꦸꦢꦶꦢꦪ ꦲꦩꦿꦶꦃ ꦠ꧀ꦭꦒꦱꦫꦁꦔꦤ꧀ ꦱꦒꦼꦢ꧀ ꦏꦠꦶꦔꦭ꧀ ꦱꦪ ꦤꦼꦁꦱꦼꦩ꧀ꦩꦏꦼꦤ꧀ ꦭꦤ꧀ ꦤꦫꦶꦏ꧀ ꦏꦮꦶꦒꦠꦺꦤ꧀.[1] ꦠ꧀ꦭꦒꦱꦫꦁꦔꦤ꧀ ꦲꦸꦒꦶ ꦒꦣꦃ ꦲꦕꦫ ꦱꦧꦼꦤ꧀ ꦠꦲꦸꦤ꧀, ꦏꦢꦺꦴꦱ꧀ ꦠ ꦭꦧꦸꦃ ꦱꦼꦱꦗꦶ ꦱꦧꦼꦤ꧀ ꦗꦼꦩꦸꦮꦃ ꦥꦺꦴꦤ꧀ ꦮꦸꦭꦤ꧀ ꦫꦸꦮꦃ, ꦥꦿꦺꦲꦶꦤꦤ꧀ ꦱꦼꦏꦺꦴꦭꦃ ꦲꦶꦁ ꦠꦼꦔꦃ ꦠꦲꦸꦤ꧀, ꦊꦢꦸꦒ꧀ ꦱꦸꦫ 1 ꦩꦸꦲꦂꦫꦩ꧀, ꦭꦤ꧀ ꦥꦶꦱ꧀ꦠ ꦏꦼꦩ꧀ꦧꦁ ꦲꦥꦶ ꦲꦶꦁ ꦩꦊꦩ꧀ ꦮꦂꦱ ꦲꦺꦁꦒꦭ꧀.[1]
ꦱꦏꦸꦥꦼꦁꦔꦶꦤ꧀ ꦠ꧀ꦭꦒ
[besut | besut sumber]ꦮꦺꦴꦤ꧀ꦠꦼꦤ꧀ ꦲꦶꦁ ꦱꦏꦸꦥꦼꦁꦔꦶꦁ ꦠ꧀ꦭꦒꦱꦫꦁꦔꦤ꧀ ꦥꦸꦤꦶꦏ ꦮꦺꦴꦤ꧀ꦠꦼꦤ꧀ ꦏꦛꦃ ꦥꦥꦤ꧀ ꦥꦔꦶꦤꦼꦥ꧀ꦥꦤ꧀.[2] ꦲꦸꦒꦶ ꦮꦺꦴꦤ꧀ꦠꦼꦤ꧀ ꦏꦶꦪꦺꦴꦱ꧀-ꦏꦶꦪꦺꦴꦱ꧀ ꦲꦶꦁꦏꦁ ꦱꦢꦺꦪꦤ꧀ ꦩꦤꦺꦏ ꦮꦂꦤꦶ ꦲꦺꦴꦭꦺꦃ-ꦲꦺꦴꦭꦺꦃ ꦲꦸꦠꦮꦶ ꦕꦶꦤ꧀ꦢꦿ ꦩꦠ.[2] ꦩꦤꦮꦶ ꦔꦼꦂꦱꦏꦏꦼꦤ꧀ ꦥꦔꦸꦚ꧀ꦗꦸꦁ ꦱꦒꦼꦢ꧀ ꦤꦶꦠꦶꦃ ꦗꦫꦤ꧀ ꦲꦸꦠꦮꦶ ꦥꦿꦲꦺꦴꦤ꧀ ꦔꦸꦧꦼꦁꦔꦶ ꦠ꧀ꦭꦒꦱꦫꦁꦔꦤ꧀ ꦥꦸꦤꦶꦏ.[3]
ꦥ꦳ꦱꦶꦭꦶꦠꦱ꧀
[besut | besut sumber]ꦮꦺꦴꦤ꧀ꦠꦼꦤ꧀ ꦲꦶꦁ ꦠ꧀ꦭꦒꦱꦫꦁꦔꦤ꧀ ꦥꦸꦤꦶꦏ ꦏꦛꦃ ꦥ꦳ꦱꦶꦭꦶꦠꦱ꧀ ꦲꦶꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦱꦩꦥ꧀ꦠꦏ꧀ꦏꦏꦼꦤ꧀ ꦏꦢꦺꦴꦱ꧀ ꦠ, ꦮꦫꦸꦁ ꦩꦏꦤ꧀, ꦥꦱꦂ ꦮꦶꦱꦠ, ꦥꦁꦒꦺꦤ꧀ꦤꦤ꧀ ꦥꦂꦏꦶꦂ, ꦭꦁꦒꦂ, ꦭꦤ꧀ ꦠꦩꦤ꧀.[4] ꦏꦸꦭꦶꦤꦺꦂ ꦲꦶꦁꦏꦁ ꦏꦱ꧀ꦱꦶꦥꦸꦤ꧀ ꦠ꧀ꦭꦒꦱꦫꦁꦔꦤ꧀ ꦲꦶꦁꦒꦶꦃ ꦥꦸꦤꦶꦏ ꦱꦠꦺ ꦠꦿꦸꦮꦺꦭꦸ.[5]
ꦩꦁꦒ ꦥꦶꦂꦱꦤꦶ
[besut | besut sumber]ꦕꦛꦼꦠ꧀ꦠꦤ꧀ ꦱꦸꦏꦸ
[besut | besut sumber]- ↑ a b c d e f kumpulan.info (diunduh tanggal 2 Maret 2011)
- ↑ a b c Mardi Jawi déning Drs. Soetarno
- ↑ Wisata Solo Archived 2011-01-09 at the Wayback Machine.(diunduh tanggal 7 April 2011)
- ↑ Dinas Pariwisata Solo Archived 2010-12-21 at the Wayback Machine.(diunduh tanggal 7 April 2011)
- ↑ Dinas Pariwisata Semarang Archived 2011-04-09 at the Wayback Machine.(diunduh tanggal 7 April 2011)