Zivanna Letisha Siregar
| Zivanna Letisha Siregar | |
|---|---|
 | |
| Lair | Zivanna Letisha Siregar 16 Fèbruari 1989 Jakarta, Indonesia |
| Bangsa | Indonesia |
| Jeneng liya | Zizi |
| Pakaryan | Model, Presenter |
| Taun aktif | 2008 - saiki |
Zivanna Letisha Siregar (lair ing Jakarta, 16 Fèbruari 1989; umur 37 taun) diundhang Zizi ya iku Puteri Indonésia 2008, ya iku wakil saka Provinsi Jakarta kang akiré kapilih dadi pamenang Puteri Indonésia taun 2008.[1]
Dhèwèké nyisihaké Ayu Diandra Sari wakil saka Bali kang dadi Runner-up I (Puteri Indonésia Lingkungan) taun 2008 lan Anggi Mahesti wakol saka DI Yogyakarta kang dadi Runner-up II (Puteri Indonésia Pariwisata) ning taun 2008.[1]
Mahasiswi saka Jurusan Ilmu Ékonomi Fakultas Ékonomi Universitas Indonésia, Dhépok, angkatan taun 2007 iki bakalé dadi dadi wakil saka Indonesia ning ajang Miss Universe taun 2009.[1]
Sadurungé dadi Puteri Indonesia ning taun 2008, dhèwèké dadi pamenang ning ajang Elite Model Look nalika taun 2006.[1] Ora namung dadi wakil Jakarta, ning ajang Putri Indonésia taun 2008, lan dadi wakil Indonesia ning ajang Miss Universe taun 2009.[1] Zivanna uga dipercaya dadi duta Jantung Remaja Indonésia.[2]
Dhèwèké dadi wakil para rumaja Indonesia ning acara kang dianakaké ning kantor yayasan jantung Indonesia sarta dadi duta jantung kanggo rumaja.[2] Amarga dhèwèké dadi duta Jantung Remaja, Zivanna kudu ngampanyekaké urip séhat marang para rumaja Indonesia.[2] Zivanna dhéwé cukup prihatin karo gaya uripé para rumaja saiki kang serba sembarangan karo pola mangan kang ora teratur.[2] Saiki uripé génerasi mudha ora teratur, kurang olaraga.[2]
Zivanna kudu bisa nyadaraké para rumaja lan ngajak para rumaja Indonésia kanggo urip séhat.[2] Dadi duta iki, dhèwèké duwé panganlaman, lan bisa luwih cedhak karo para rumaja ning Indonésia karo musik kang dadi piranti pendekatanné.[2] Karo musik, dhèwèké bisa komunikasi lan nyampekaké misi lan visiné kanggo para rumaja.[2] Zivanna dituntut supaya bisa njaga pola mangan, bisa urip séhat, sregep anggoné ulah raga.[2] Amarga dhèwèké bakal dadi contoh para rumaja akèh ning Indonesia.[2]