Zahra Amir Ebrahimi
| Zahra Amir Ebrahimi | |
|---|---|
| Jeneng lair | Zahra Amir Ebrahimi |
| Saka | Iran |
| Pakaryan | Aktris, juru foto |
Zahra Amir Ebrahimi (زهرا اميرابراهيمی) 1981 (age 42–43) ya iku sawijining juru foto profésional, aktris télévisi, direktor filem cekak saka Iran.[1]
Dhèwèké sempet sinau teater ning Teheran, lan miwiti kaurripan profesionalé kanthi cara nggawé filem cekak.[1] Filmé kang kaping pisanan digawé nalika dhèwèké anan ning umur 18 taun.[1] Awal kapopulerané diwiwiti ora suwé sawisé dhèwèké makarya ning télévisi Iran.[1] Dhèwèké kondhang amarga perané nalika dadi wanita enom kang shalikhah ning opera sabun "Narges".[1] Karir Zahra ning babagan fotografi difokusaké ning topik lan isu-isu sosial.[1]
Skandal
[besut | besut sumber]Ning 2006, Ebrahimi dadi punjer perhatian amarga kajiret skandal sex, video kang isiné adegan saru mau bocor ning internet, lan akiré nyebar kanthi wujud DVD.[1] Kasusé iki nuli dadi subyek panyelidikan resmi dhawuh kepala jaksa Teheran, Saeed Mortazavi.[1] Ning wawancara karo koran The Guardian, Ebrahimi nyangkal manawa wanita ning filem mau dudu dhèwèké, lan ngungkapaké manawa video mau video palsu kang digawé kanggo ngerusak kariré.[1]
Sawisé kena skandal mau, dhèwèké esih tetep manggon ning nagarané.[1] Aktris kondhang saka Iran iku bakal kena kukum kunjara lan nglakoni hukuman cambuk ning ngarepé publik,[2] amarga pandakwa rekaman video saruné karo pepujaning atiné kasebar ning internet lan uga digawé kanthi wujud DVD.[2]
Skandal iku tentuné nggawé kaget para panggemaré saka aktris ayu kang nembé umur 25 taun iku.[2] Apa maning, dhèwèké saka salah sijiné nagara Islam kang kuwat ning donya, kang ngelarang kadadian seks sadurungé nikah.[2] Zahra, iku salah sijiné bintang kondhang ning télévisi Iran, dhèwèké wis diboikot déning jaringan lan para panggawé filem ning Iran, sarta kariré terancam hancur.[2] Jaksa penuntut Iran, Saeed Mortazavi, uga wis njaluk anané penyelidikan mirunggan.[2] Ning kasus mau, pepujaning atiné Zahra kang ora dingertèni jenengé iku saiki dadi tersangka pelaku panyebaran rekaman mau, lan lagi digoleki sawisé dukabaraké lumayu maring Dubai.[2] Lan manawa ketangkap bakal dibalikaké maring nagara Iran, dhèwèké terancam ukuman telung taun panjara lan denda gedhené US$10 èwu, amarga kadadéan kang wis ngelanggar kasusilaan nagara mau.[2]
Ebrahimi uga nyangkal anané désas-desus manawa dhèwèké bunuh dhiri.[1] Dhèwèké sempet ngetokaké pesen maring masarakat umum kang isiné negasaké manawa dhèwèké esih urip.[1]
Cathetan sikil
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |