Yad Vashem

Saka Wikipédia Jawa, bauwarna bébas abasa Jawa

Koordhinat: 31°46′27″N 35°10′32″E / 31.77417°N 35.17556°E / 31.77417; 35.17556

Jerusalem, view at Yad Vashem museum.JPG
Gerbang mlebu Yad Vashem

Yad Vashem (Ibrani יד ושם) utawa uga diarani ing Basa Inggris Holocaust Martyrs' and Heroes' Remembrance Authority ("Pèngeten Martir Holocaust lan Pahlawané") – iku monumèn resmi Israèl marang para kurban Holocaust sing diadegaké ing taun 1953 mawa Undhang-Undhang Pèngetan sing ditampa déning Knesset, parlemèn Israèl. Asal mula jeneng iki dijupuk saka sawijining ayat Alkitab:

"Pangandikané Allah marang wong sing kaya mangkono mau mengkéné, "Manawa kowé ngurmati asma-Ku srana netepi dina Sabbat, lan manawa kowé nglakoni pagawéan sing gawé renaning penggalih-Ku, sarta kalawan setya ngugemi janji-Ku, jenengmu bakal kacathet ana ing Pedaleman-Ku lan ana ing antarané umat-Ku." (Kitab Yésaya 56:5-6)

Ing basa Ibrani, "jenengmu bakal kacathet ana ing Pedaleman-Ku" iku padanané yad va-shem. Gedhong iki pernahé ana ing Yerusalem lan kasusun saka sawijining kamar pèngetan, musiyum sajarah, gladri kagunan, wisma asma, arsip, "Lebak Komunitas Sirna", sinagoga lan punjer édukasi. Kajaba iku wong non-Yahudi sing nylametaké wong-wong Yahudi nalika Holocaust, lan lumrahé mawa risiko dhuwur, dimulèni déning Yad Vashem mawa gelar "Para Budiman Antarané Bangsa-Bangsa".

Pranala njaba[besut | besut sumber]