Xingyiquan

Saka Wikipédia Jawa, bauwarna mardika basa Jawa
Sun Lu Tang mragakake Xingyi

Xingyiquan ya iku ngèlmu béla dhiri Tiongkok kang nggabungaké filosofi Wu Xing (limang élemèn) menyang sajeroning jurus-jurusé.[1] Xingyi ya iku ngèlmu bela diri kang tuwa dhéwé ing antarané telung ngèlmu bela diri neijia (liyané ya iku Baguazhang lan Taijiquan).[1][2] Ing jaman biyèn Xingyiquan uga sinebut Xin Yi Liu He Quan (pertalan lepas: Jurus (kepruk) Enem Keharmonian Ati lan Pikiran).[2] Duweni rolas obahan kang asalé saka kéwan, naga, macan, kethèk, jaran, baya, pitik jago, manuk garudha, manuk swallow, manuk rajawali, bruang lan roc (binatang legenda).[1]

Pambentuke jurus iki duwé ikatan karo Jendral Yue Fei(1103-1141) sanajan ora ana data tertulis ngenani babagan iki.[2] Déné pengembangane ditindakake déning Ji Long Feng, sawijining petarung saka Dinasti Ming kang bisa nggunakaké tombak kanthi apik.[1]

Cathetan suku[besut | besut sumber]

  1. a b c d Xingyiquan, Esoteric Martial Arts. Diundhuh tanggal 31 Mèi 2010.
  2. a b c Hsing I, Shen Wu. Diundhuh tanggal 31 Mèi 2010.