Wiswamitra

Saka Wikipédia Jawa, bauwarna bébas abasa Jawa

Wiswamitra (Sanskerta: विश्वामित्र; Viśvā-mitra: "mitraning donya") ya iku jeneng salah sijiné Brahmaresi ing Agama Hindu kang nampa wahyu Pangéran. Jeneng Wiswamitra uga ana ing kitab Ramayana, bebarengan karo Resi Wasista. Nanging ing Ramayana, Resi Wiswamitra asalé saka keturunan satriya lan biyèn minangka raja.

Raja Kaushika[besut | besut sumber]

Wiswamitra ya iku keturunan sawijining ratu ing jaman India Kuno, lan dhèwèké uga diundhang Kaushika ("keturunan Kusha"). Dhèwèké minangka satriya kang gagah prakasa kang minangka cicit saka ratu Kusha. Salah siji saka anak papate Kusha ya iku Kushanubha, kang nindakake upacara Puthrakameshti lan éntuk anak kanthi aran Gadhi minangka asile. Kaushika utawa Wiswamitra, ya iku anake Raja Gadhi. Kaushika nggantekake bapaké lan mréntah kanthi apik. Dhèwèké banget disenengi rakyate.

Saingan karo Wasista[besut | besut sumber]

Sawijining dina, Raja Kaushika (Wiswamitra) karo angkatan perange kang kuwat lèrèn ing asrama Resi Wasista. Kanthi kebak sopan santun, Resi Wasista nyugati Raja Kaushika. Resi Wasista nuduhake sekabehing kaendahan lan kemakmuran ing lingkungan pertapane, kalebu lembu sakti kang diduwéni ya iku Sabala. Lembu sakti mau bisa nyipta apa wae kang dipenginake déning bandharané, kaya dene luh kang ora tau garing. Ngerti kasaktene lembu mau, Kaushika kepengin duwé. Banjur dhèwèké ngerahake angkatan perangnya supaya ngoyok Sabala. Minangkani babagan mau, Resi Wasista ngongkon Sabala supaya nyipta angkatan perang. Ora let suwe, pertempuran kedadeyan antarane wadyabala Kaushika karo wadyabala kang diciptakake Sabala. Nalika wadyabala Kaushika kadesek, wadyabala Sabala sansaya akeh. Pungkasané Kaushika ngakoni kalahe lan lunga saka asrama Resi Wasista.

Sawisé masrahake singgasana karajan marang salah sati anake, Kaushika lunga menyang gunung Himalaya lan nindakake tapa muja Dewa Siwa. Sawisé Siwa teka amarga gelem nampa tapane Kaushika, Kaushika njaluk supaya dhèwèké éntuk gegaman sekti. Siwa nuruti panjaluke mau lan mènèhi gegaman sakti marang Kaushika. Kanthi gegaman sekti mau, Kaushika teka manèh ing asrama Resi Wasista. Sawisé ngarahake sekabehing gegaman kang ditampa lumantar tapa, Kaushika durung bisa naklukake Wasista amarga mung nganggo sawijining tongkat kang jenenge Brahmadanda, Wasista bisa nglumpuhake kabèh gegaman sektine Kaushika kalebu Brahmastra kang dianggep minangka gegaman paling sekti manawa kanggo mateni wong ing Mitologi Hindu. Amarga ngrasa yèn anugerah kang diwènèhi Dewa Siwa siya-siya, Kaushika jaluk pamit lan ninggalake asrama Wasista kanthi rasa wirang.

Sawisé kalah ing asrama Wasista, Kaushika tapa muja Dewa Brahma saperlu éntuk gelar Brahmaresi supaya madani Resi Wasista. Sawisé tapa nganti pirang-pirang taun, Dewa Brahma teka, banjur mènèhi gelar Rajaresi marang Kaushika.

Sumber artikel punika saking kaca situs web: "https://jv.wikipedia.org/w/index.php?title=Wiswamitra&oldid=1109373"