Wikipedia:Wulan Asia Wikipédia

Saka Wikipédia Jawa, bauwarna bébas abasa Jawa
Wulan Asia Wikipédia
WAM 2016 Banner-jv.png

Wulan Asia Wikipédia (WAW) iku besutandhing (edit-a-thon) sajeroning jaringan (online) sing duwé ancas ngundhakaké seserepan lan panampa ing antaraning bebrayan agung Wikipédia Asia. Lumaku sasuwéné wulan Novèmber 2016, abiprayaning Wulan Asia ing Wikipédia Jawa iki nedya ngundhakaké cacah lan mutu artikel-artikel Wikipédia sing ana sambung raketé karo nagara-nagara Asia. Taun kapungkur, punjul 7.000 artikel disumbangaké lumantar 43 basa sajeroning Wulan Asia Wikipédia.

Minangka pratandhaning pamitran antaraning brayan-brayan agung Wikipédia sa-Asia, saben panyarta sing nggawé saorané patang (4) artikel kanthi minangkani paugeran bakal nampa kertu pos Wikipédia sing dirancang mirunggan saka nagara-nagara jaban rangkah sing mèlu kridha iki.

Wikipédiawan lan Wikipédiawati sing kasil nggawé artikel paling akèh ing sawijining Wikipédia, kaya ta ing Wikipédia Jawa iki utawa Wikipédia basa liyané, ing samengko nedya diupasadani minangka "Duta Asia Wikipédia".

Asia (orthographic projection).svg

Paugeran

Ringkesé mangkéné: gawéa artikel anyar ngenani Asia (wong, panggon, budaya, lsp.) kanthi mutu apik lan saorané ngandhut 300 tembung lan 3.000 bèt (byte), ora arupa artikel pratélan (artikel isiné mligi daftar), ing wulan Novèmber 2016 iki.

  • Artikel awujud gawéan anyar déning panjenengan (ora ngembangaké artikel rintisan) sing digawé antara tanggal 1 Novèmber 2016 0:00 lan 30 Novèmber 2016 23:59 (UTC).
  • Artikel ngemu saorané 300 tembung dawané kanthi 3.000 bèt gedhéné
  • Artikel ngrembug bab sing umum utawa kondhang, diyektèkaké mawa rujukan
  • Artikel ngrembug bab sajabané Indonésia, contoné bab Jepang, Koréa, Indhiya, utawa nagara Asia liyané
  • Artikel ngemu rujukan sing patut; ujar-ujaran sing rangu utawa bisa gawé padu ana ing sajeroning artikel kudu bisa diyektèkaké lumantar sitiran sing kapacak sajeroning artikel iku
  • Artikel kena awujud pertalan saka Wikipédia liya
  • Artikel dudu wutuh pertalan mesin lan kudu nganggo basa sing patut
  • Artikel ora kena perkara (kena tag déning admin)
  • Artikel ora awujud pratélan (daftar)
  • Artikel sing isiné pancèn mligi kanggo pratélan bisa kètung
  • Artikel ngemu tulisan sing informatif
  • Artikel ngrembug bab apa waé ngenani Nagara ing Asia
  • Artikel sing dikumpul déning panitya kudu dipriksa déning panitya liya
  • Cathetan: Wusana, juri saka Wikipédia enggon-enggonan bakal nemtokaké yèn sawijining artikel tinampa apa ora tinampa.
  • Nalika panjenengan kasil nggawé artikel cacah 4 sing minangkani paugeran, panjenengan bakal nampa kertu pos WAW saka salah siji brayan agung Wikipédia ing Asia.
  • Duta Asia Wikipédia bakal nampa partisara tinandha tangan saka Afiliyasi Asia uga saiji kertu pos tambahan. Wacaa kaca Pitakon saperlu ngertèni information luwih.

Panitya

Mèlu

Mèlua lumantar pranala iki. Panjenengan kena gabung kapan waé. Panitya bakal nandhani (mriksa) manawa artikel wis miturut paugeran apa durung.

Pranala wigati

Afiliyasi