Wikipédia:Kalayakan artikel
 | Kaca puniki arupi kawicaksanan resmi ing Wikipedia basa Jawi. Isinipun sampun katampi déning para naragina lan dipunanggep dados standar ingkang kedah dipunturuti déning sedaya naragina. |
| Kriteria kelayakan |
|---|
|
Kelayakan umum |
Jroning Wikipedia, kalayakan kuwi kriteria kanggo nemtokaké apa sawijining subyek layak kanggo dipacak artikelé apa ora. Konsep iki béda karo "misuwur", "wigati", utawa "populer". Sawijining subyek dianggep layak yèn nduwèni kriteria ing ngisor, utawa kriteria mligi sing kadaftar ing tabel sisih tengen.
Kriteria kalayakan ngatur subyek artikel, ananging ora ngatur isi artikel kuwi.
Wewaton kalayakan
[besut sumber] | {{{1}}} |
- "Pembahasan sing signifikan" tegesé sumber mbahas subyek sacara langsung, detil, lan non-trivial.1
- "Sumber",2 didhèfinisèkké jroning Wikipedia minangka sumber sekunder, kudu bisa mènèhi bukti kalayakan sing obyektif. Luwih saka siji sumber luwih apik.
- "Pinercaya" tegesé sumber bisa dipigunakaké kanggo pamesthèn kalayakan, ssarujuk karo paugeran sumber kapercaya. Sumber arupa karya sing wis dipublikasèkaké jroning media.
- "Independen marang subyek" tegesé sumber sing dirujuk ora kena asal saka pihak-pihak sing nduwèni afiliasi langsung karo subyek, upamané: promosi diri, iklan, otobiografi, lll.
Artikel sing ora / durung layak
[besut sumber]Yèn sawijining artikel durung nuduhaké unsur kalayakan, upayakaké ndandani kanthi cara:
- Dandani dhéwé. Golèka referensi kapercaya saka internet utawa media liya
- Gunakaké cithakan
{{kalayakan}}kanggo narik kawigatèn penyunting liya - Gabungké artikel marang artikel liya sing cakupané lebih amba
- Yèn kasil ditemokaké unsur kalayakan rong minggu sawisé diwènèhi tag
{{kalayakan}}, wènèhana cithakan{{busak:kalayakan}}
Yèn sawijining artikel cetha-cetha ora nduwèni unsur kalayakan:
- Langsung wènèhi cithakan
{{busak:kalayakan}}
Pengurus bakal langsung mbusak artikel sing cetha-cetha ora nduwèni unsur kalayakan.
Kalayakan ora asipat sawetara wektu
[besut sumber]Warta sing ramé ora banjur nyebabaké sawijining topik dadi layak minangka artikel Wikipedia jroning jangka wektu sing dawa, lan suwaliké. Topik sing ora nduwèni standar kalayakan wektu iki, bisa waé nduwèni standar kalayakan ing mangsa ngarep. Senadyan mangkono, artikel ora olèh ditulis kanthi dhasar spekulasi yèn topik kasebut bakal nduwèni kalayakan ing mangsa ngarep.
Isi artikel
[besut sumber]Pedoman iki ora sacara spesifik ngatur ngenani isi artikel. Pedoman iki mènèhi pituduh ngenani apa sawijining topik cukup layak kanggo diamot ing Wikipedia minangka artikel dhéwé (mandhiri).
Isi artikel kudu ngacu marang kawicaksanan lan paugeran Wikipedia liya sing ngatur ngenani sumber pinercaya, cara deleng netral, dudu riset asli, lan pamesthèn.
Cathetan
[besut sumber]- Cathetan 1: Conto: Firman Gani nduwèni artikel media massa sing mbahas bab profil (upamané: Sandy Indra Pratama. "Firman Gani: Berkarir dari Brimob". TEMPO Interaktif.), mula dianggep layak amarga pembahasané jero alias non-trivial. Suwaliké, grup musik Three Blind Mice dianggep ora/durung layak, amarga senadyan tau disebutaké jroning sawijining artikel (Martin Walker. "Tough love child of Kennedy". The Guardian.), nanging grup musik kasebut mung disebutaké sak kalimat waé, andadèkaké ora layak amarga klebu dibahas sambil lalu waé alias trivial.
- Cathetan 2: Antara liya, ananging ora kawates marang: jurnal ilmiah, buku lan buku-e, koran, majalah, dokumenter televisi lan radio, laporan déning dinas pamaréntah, situs warta, lll.