Wikipédia:Artikel pilihan/2011 04
Florence Nightingale (12 Mei 1820-13 Agustus 1910) punika pelopor perawat modhèrn, panulis lan ahli statistik. Panjenenganipun punika satunggiling univèrsalis Kristen. Nalika tanggal 7 Februari 1837 – mboten lami sadèrèngipun ambal warsanipun ingkang kaping-17 – satunggaling kedadosan ingkang badhé ngéwahi gesangipun: panjenenganipun nyerat, "Gusti ngendika marang aku lan ngundang aku kanggé ngladosi-Panjenenganipun." Panjenenganipun dipuntepangi kanthi nami Widodari kanthi lampu (basa Inggris The Lady With The Lamp) amargi jasanipun ingkang tanpa kenal ajrih ngempalaken kurban perang nalika Perang Krim, ing Tanjung Krim, Rusia.
Florence Nightingale nggesangaken malih konsèp panjagian karesikan griya sakit lan kiyat-kiyat juru rawat. Panjenenganipun maringaken panekanan dhumateng kawigatosan ingkang tliti dhumateng kabetahan pasièn lan panyusunan laporan ingkang rinci migunaaken statistik minangka argumentasi éwah-éwahan nuju arah ingkang langkung saé ing bidhang kaperawatan ing sangajenging pamarèntahan Inggris.