Waroeng Steak & Shake

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Salah sijiné cabang Waroeng Steak & Shake ing Jl. Kelud Sampangan Semarang

Waroeng Steak & Shake utawa kondhang kanthi jeneng WS ya iku salah sijiné franchise kang dibuka déning Jody Brotosuseno lan Siti Hariyani nalika 4 September 2000 kapungkur ing tritisan omah kontrakané ing Jl. Cendrawasih no. 30 Yogyakarta.[1]

Sajarah[besut | besut sumber]

Sadurungé mbuka usaha dhéwé, Jody lan Aniek (undang-undangané Siti Hariyani) sregep ngrewangi lan ngangsu kawruh marang bapaké Jody kang wis ndhisik mbuka restoran steak, ya iku Obonk Steak.[1] Obonk Steak pancèn wis suwè ngadeg ing Yogya lan sasaran konsumené iku wong-wong kelas menengah ke atas.[1] Saka kono, Aniek lan Jody nduwé pamikiran nggawé warung steak kang bisa kanggo wong-wong kelas menengah ke bawah.[1] Sing dipilih kanggo jeneng pangudiné iku jeneng warung dudu resto utawa jeneng liya kang katoné larang amarga pancèn sing dikarepake bisa narik minat mahasiswa.[1] Supaya calon konsumén ora rangu-rangu, kekaroné sengaja masang pratélan rega ing ngarep warung.[1] Sing mbédhakaké saka resto steak liya, Waroeng Steak & Shake nyawisaké sega kanggo dipangan bareng steak (dudu kenthang, kacang dawa, wortel, lan jinis liya kang padatan disuguhake bareng steak).[1] Saiki, WS wis nduwé 300 karyawan kang sumebar ing 15 cabang Yogyakarta, Semarang, Medan, Jakarta,Denpasar, Malang, Surabaya, lan Bandung.[1]

Menu[besut | besut sumber]

Ana rong jinis stik kang ditawakaké ing kéné, ya iku original steak (dagingé ora diwènèhi gandum) lan shrimp steak (dagingé diwènèhi gandum lan digoréng).[2] Jinisé daging ya iku sirloin, tenderloin, chicken, lan sapanunggalane.[2] Déné ombéné ana milk shake, softdrink, jus buah, jarang bening, lan sapanunggalane.[2] Saliyané iku uga ana french fries, kenthang goreng lokal, spaghetti, jamur (mushroom), burger, lan sega.[2]

Jam buka[besut | besut sumber]

Waroeng Steak & Shake buka saben dina wiwit jam 12.00-22.00 WIB, nanging yèn dina Jumat buka jam 13.00-22.00 WIB.[2]

Cathetan suku[besut | besut sumber]

Cathetan suku

  1. a b c d e f g h Sejarah Waroeng Steak (Dipunundhuh 13 Maret 2011)
  2. a b c d e WARUNG STEAK & SHAKE(Dipunundhuh 13 Maret 2011)