Wang Zhaojun

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar klasik Wang Zhaojun nalika main piranti musik pipa.

Wang Qiang kang kondhang kanthi jeneng Wang Zhaojun (Hanzi: 王昭君) ya iku sawijining wanita ayu saka patang wanita ayu Tiongkok.[1][2] Kandhane ayune bisa nyeblokake banyak-banyak kang lagi mabur.[3]. Kulawarane manggon ana ing panggonan kang saiku ana ing kabupatèn Xingshan, provinsi Hubei ing tlatah kidul kraton Han barat.[4][5] Lelungane ana ing Xiongnu, dhèwèké uga dikenel nggango jaket wulu sinambi metik piranti musik pipa lan nunggang keledai.[5] Gambaran iki kang identik karo Wang Zhaojun.[5]

Riwayat[besut | besut sumber]

Dadi selir Kaisar Yuan[besut | besut sumber]

Ing taun 38 M, Kaisar Yuandi ngetokaké maklumat kamaharajan kanggo ngundang prawan-prawan cantik saka kabèh nagara supaya teka ana ing pura.[6] Rong taun candhaké, sakiwa-tengené taun 40 M, Wang Zhaojun diceluk supaya mlebu harem pura saperlu nglayani kaisar Yuan (Liu Shi) minangka selir.[3][4][6] Nalika ana ing pura, Wang Zhaojun ora tau dilayani (gayutan sèksual) déning kaisar.[4] Kabèh mau amarga kaisar kang milih selir kanthi deleng lukisane seniman Mao Yanshuo.[4][6] Wang Zhaojun ora gelem nyogok pelukis pura iku supaya nglukis ayu, mula si pelukis nglukis kanthi èlèk.[4][6] Akibate kaisar ngira yèn Wang Zhaojun ya iku wanita èlèk.[4][6]

Piranti perdamaian Han Kulon karo Xiongnu Wétan[besut | besut sumber]

Ing jaman iki kedadeyan konflik antarané karajan Han kulon karo suku Xiongnu (mligi Xiongnu barat).[3][4] Sawijinin dina nalika pemimpin Xiongnu kidul kang bersekuthu karo Han, Huhanye, teka kaping telune Chang'an ing acara kunjungan penghormatan.[3][4] Banjur Huhanye jaluk supaya dhèwèké bisa dadi mantu kamaharajan.[3][4] Panjalukane mau ora kasil, nanging Huhanye diwènèhi kompensasi wujud selir-selir kaisar (mligi kang ora dikunjungi kaisar).[3][4] Wang Zhaojun ya iku salah sawijining wong-wong mau kang diwènèhake marang Huhanye.[3][4][5]

Ditulisake ing Hou Han Shu, Wang Zhaojun kanthi sukarela nunjuk awake dhéwé supaya dikirim ing Xiongnu amarga dhèwèké kuciwa ngenteni.[3][4][6] Banjur, kaisar Yuan kang lagi pisanan ketemu karo Wang Zhaojun dadi gumun karo ayune lan getun banget. Dhèwèké uga arep nimbangake manèh putusan kanggo menehake Wang Zhaojun marang Huhanye.[3][4] Nangin pungkasane kaisar Yuan ngrilakake Wang Zhaojun demi persekuthuan Han lan Xiongnu.[3][4]

Banjur Wang Zhaojun dadi selir kesayangan Huhanye lan nglairaké rong pangeran lan siji putri.[4][5] Sawisé Huhanye tinggal donya, Wang Zhaojun jaluk supaya bisa bali ing Cina dharatan, nanging panjaluke ditolak déning kaisar Cheng (Liu Ao).[4] Kaisar Cheng malah mrintahake supaya dhèwèké mèlu tradisi Xiongnu supaya bisa kawin karo pemimpin Xiongnu candhaké, anak Huhanye kang tuwa dhéwé.[4][5] Ing kawinane kang kaping loro, dhèwèké nglairaké anak wadon loro.[4] Wang Zhaojun uga bantu Huhanye ngrembakakake kraton Xiongnu, mula wong Xiongnu ngrmati banget Wang Zhaojun.[5]

Ing legenda, dicritakake sawisé panjaluke ditolak déning kaisar Cheng, Wang Zhaojun bunuh diri minangka upaya kanggo nolak kawin manèh karo anaké dhéwé.[4]

Amarga Wang Zhaojun, sakiwa-tengené 60 ta un mbentuk perdamaian antarané Han karo Xiongnu.[1][4][5][6] Pamaréntah Cina saiki nggunakaké Wang Zhaojun minangkaa simbol nyawijining ètnis Han karo ètnis minoritas liyané.[1][4][5][6]

Cathetan suku[besut | besut sumber]

  1. a b c (ing basa Cina) Guo, Man (郭漫). (2006). Five Thousand Years of Chinese History (中华上下五午前年). Beijing: Hang Kong Gong Ye Chu Ban She (航空工业出版社)
  2. (ing basa Cina) Tang, Qi (唐麒). (2004). Zhongguo Lishi Gushi Zhongji Vol. 1 (中国历史故事中集 卷1). Changchun: Shi Dai Wen Yi Chu Ban She (时代文艺出版社)
  3. a b c d e f g h i j Four Beauties of China, China Tour Guide. Diundhuh tanggal 19 April 2010.
  4. a b c d e f g h i j k l m n o p q r s t u (ing basa Cina) Ren, Haozhi (任浩之). (2003). Zhongguo Tong Shi - Pérangan Pertama Hal.284-287(中国通史-上 第284-287页). Beijing: Beijing Publishing House (北京出版社)
  5. a b c d e f g h i (ing basa Cina) Tim Sajarah Cina (中国厉学会). (2005). History of China Vol.2 Hal. 22-23 (中国通史 第二册 第2-23页). Haiyan: Haiyan Chu Ban She (海燕出版社)
  6. a b c d e f g h Lim, SK. (2009). Wanita-wanita Kamaharajan China Hal.150. Jakarta: PT Elex Media Komputindo

Cithakan:4 wanita cantik