Visoko

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
VisokoPanorama.jpg

Visoko iku sawijining kutha ing Bosnia lan Herzegovina tengah, kanthi sing ndunungi watara 17.000 jiwa. Kutha iki dumunung ing dalan antara Zenica lan Sarajevo. Visoko dumunung ing pinggir Kali Bosna, patemon karo Kali Fojnička bersatu. Sacara administratif, kutha iki minangka péranganing Kanton Zenica-Doboj saka Federasi nagara iki.

Dhaérah Visoko tau dadi pusat nagara Bosnia ing abad pertengahan. Ing mangsa Kakaisaran Ottoman, kutha Visoko diadegaké déning Ajas-beg. Sawisé Bosnia dianèksasi déning Austro-Hongaria, kutha iki diwènèhi corak anyar, nanging kuna, kang katon saka gaya oriental Visoko kang lazim tinemu ing saindhenging tlatah pamaréntahan Ottoman. Ing jamanYugoslavia pisanan, Visoko ora pati tuwuh, lan sajeroning Perang Donya II, kutha iki ora pati rusak. Kamajuan nembé dialami ing mangsa Yugoslavia kuminis. Perang Bosnia uga nerjang Visoko, kang tetep ana ing sangisoré kakuasaan bala Bosnia-Herzegovina ing sajeroning mangsa perang patang taun iku. Saiki Visoko dadi sawijining kutha kang sugih bab budaya lan sajarah, nanging ekonominé wis akèh kélangan kapasitas kang biyèn diduwèni sadurungé perang Bosnia.

Pranala njaba[besut | besut sumber]