Twilight

Saka Wikipédia Jawa, bauwarna mardika basa Jawa
Twilight
Sèri Twilight jangkep.
PanulisStephenie Meyer
NegaraAmérikah Sarékat
BasaInggris
GenreRoman, fantasi, fiksi kanoman-diwasa
PanerbitLittle, Brown and Company
Katerbitaké2005–08
Jenis médhiaPrint

Twilight yaiku salah sawijiné novèl anggitané Stephenie Meyer. Novèl sèri iki nggambarké paraga mligi yaiku Isabella "Bella" Swan, salah siji kanoman kang pindhah menyang kutha Forks, Washington. Uripé owah wiwit pacaran karo Edward Cullen, salah siji vampir vegetarian (ora ngombé getih manungsa). Kabèh sèri Twilight dicaritaké saka sudut pandang Bella.

Sèri[besut | besut sumber]

Twilight kapérang dadi 4 novèl yaiku:

  • Twilight
  • New Moon
  • Eclipse
  • Breaking Dawn

Dalan carita[besut | besut sumber]

Bella nembé waé pindhah saka Phoenix, Arizona, kang iklimé panas, menyang Forks, Washington kang iklimé udan. Dhèwèké urip bareng bapaké, amarga ibuké nikah manèh karo Phil. Sawisé pidhah menyang Forks, Bella nyadhung tresna marang pawongan misterius lan gantheng, yaiku Edward Cullen kang vampir kang vegetarian (vampir kang ora mangan getih manungsa, nanging getih kéwan. Edward duwé kekuwatan yaiku kuwat, rikat, awaké kang kemileng yèn kena srengéngé, lan bisa maca pikirané wong liya. Wiwitané Edward ora péngèn cedhak karo Bella, amarga kagodha karo ganda getihé Bella. Nanging Edward bisa ngatasi prakara iku, lan akhiré Edward karo Bella pacaran. Ing siji dina Bella diajak kanggo dolanan Baseball karo kulawarga Cullen. Ora dinyana, dumadakan teka sagrombolan vampir nomaden yaiku James, Victoria, lan Laurent. Nalika ketemu Bella, James wis kepéngèn ngombé getihé Bella. Kabèh kulawarga Cullen nyoba njaga Bella. Bella lunga karo Alice lan Jasper menyang Phoenix. Nalika ing Phoenix, Bella dijebak kaliyan James. Untungé Edward lan kulawargané sadhar yèn Bella ora ana. Edward teka pas ing wayahé kanggo nylamataké Bella. Sakbubaré iku padha balik menyang Forks manèh lan mèlu acara prom kang diadani ana ing sekolah.

Pranala njaba[besut | besut sumber]

Cithakan:Twilight