Tradhisi Ya Qawiyyu
Tradhisi Ya Qawiyyu yaiku salah sawijining tradhisi kang ana ing kutha Klathèn kang dileksanakake saben tanggal 15 sasi Sapar.[1] Tradhisi kang ana ing kacamatan Jatinom, Klathèn iki biyèn kawanuhaké déning tokoh Islam kang aran Ki Ageng Gribig.[2] Ki Ageng Gribig iku katurunan saka Raden Mas Guntur utawa Wasibagno, katurunan saka Raja Brawijaya saka Majapahit. Ki Ageng Gribig kang jeneng enomé Syekh Wasibagno Timur lelana tekan Gunung Merapi. Wit Jati enom dipilih panggon donga lan tekan saiki dikenal dadi Jatinom.[3]
Apeman Ya Qawiyyu bareng suwé urip ana ing Jatinom lan nyebaraké Islam, sawijining dina Ki Ageng Gribig munggah kaji. Mulih saka Mekah Ki Ageng Gribig gawa banyu zam-zam lan roti gimbal. Ki Ageng lan Nyi Ageng arep mbagi olèh-olèhé saka Arab kanggo tangga-tanggané nanging jebulé kurang. Sabanjuré Ki Ageng ngongkon Nyi Ageng gawé roti sing kaya roti gimbal. Roti iki kawitané dijenengi afwan (basa Arab), sing tegesé "njaluk pangapura". Nanging jenengé wong Jawa ngucapké afwan suwé-suwé dadi apem. Pambagéyan apem iku suwé-suwé dadi pakulinan masarakat Jatinom.[4]
Miturut cathetan sajarah masarakat Klathèn, Ya Qawiyyu wis kaleksanan awit taun 1511 Saka (1589M), sinengkalan ratu sukci tata jagad.[1] Ana khasanah kabudayan Jawa, Ya Qawiyyu uga dikenal Ongkowiyu. Jeneng Ya Qawiyyu sajatiné dijupuk saka donga lan ungkapan syukur saka Ki Ageng Gribig sawisé slamet tekan omah saka munggah kaji.[5]
Pranala njaba
[besut | besut sumber]- Ya Qowiyyu Archived 2016-03-04 at the Wayback Machine.
- Ageng Gribig Archived 2016-03-05 at the Wayback Machine.
Cathetan suku
[besut | besut sumber]- ↑ a b Pustaka, Balai. Kajawen 1935 - 1935 (ing basa Jawa).
- ↑ jogjatrip.com Archived 2016-03-05 at the Wayback Machine. diaksès 17 Oktober 2011
- ↑ kompas.com[pranala mati permanèn]diaksès 17 Oktober 2011.
- ↑ kompas.com Apem Upacara "Ya-Qowiyyu" Sebar 4,5 Ton Kue Apem[pranala mati permanèn] diaksès 21 Oktober 2011.
- ↑ Ruslani (2008). Ki Ageng Gribig dan Tradisi Ya Qawiyyu. Sukoharjo: PT. Hamudha Prima Media.