Timbul Hadiprayitno

Saka Wikipédia Jawa, bauwarna bébas abasa Jawa
Ki Timbul Hadiprayitno
Timbul-186x300.jpg
Samak album wayang kulit Anggada Duta déning Ki Timbul Hadiprayitno
Lair 20 Mei 1934
 Indonésia Bagelèn, Kabupatèn Purwareja, Jawa Tengah
Pati 10 Mei 2011
 Indonésia Bantul, Kabupatèn Bantul, DIY
Pegawéyan Dhalang

Ki Timbul Hadiprayitno (lair ing Bagelèn, Kabupatèn Purwareja, Jawa Tengah, 20 Mèi 1934 – pati ing Bantul, Kabupatèn Bantul, DIY, 10 Mèi 2011 ing yuswa 76 taun) iku dhalang kondhang sing isih ngugemi pakem pedhalangan, khususé pedhalangan gagrag Ngayogjakarta.

Biografi[besut | besut sumber]

Dhalang kelairan Bagelèn, Purwareja iki mung lulus Sekolah Rakyat. Wiwit cilik Timbul seneng wayang. Dhèwèké meguru karo akèh dhalang, ing antarané ya iku Wiji Prayitno (bapaké Hadi Sugito), Kasmono, Gondo Margono, Bancak, lan Nartasabda.

Dhalang iki pinter ing sabetan, caturan, lan lakon. Sing paling asring ya iku lakon-lakon banjaran, ya iku lakon wayang sing nyritaaké lelakoné sawijining paraga seka lair nganti mati. Timbul uga salah sijiné dhalang sing bisa ngruwat.

Ing babagan sanggit (gawé lakon dhéwé), Ki Timbul wis gawé sawetara lakon, ya iku ing antarané Wahyu Harjadah, Wahyu Kembang Slombo, Wahyu Panca Purbo, lan Wahyu Mustika Haji.

Kapinterané ing pewayangan nurun marang putra-putrané. Ana enem sing dadi dhalang.