Thomas Ramdhan
| Thomas Ramdhan | ||
|---|---|---|
 | ||
| Latar wuri | ||
| Jeneng lair | Thomas Ramdhan | |
| Lair | Maret 5, 1967 Bandung, Jawa Kulon, Indonésia
| |
| Jinis Musik | rock | |
| Pakaryan | musisi | |
| Instrumen | Bass | |
| Anggota | ||
| Gigi(1994-saiki) | ||
Tubagus Omas Ramdhan (lair ing Bandung, Jawa Kulon, 5 Maret 1967; umur 57 taun) iku anggota saka grup musik Gigi kang nyekel pérangan bass.[1] Thomas bebarengan karo Armand Maulana, Déwa Budjana lan Gusti Hendy nganti saiki tetep èksis dadi musisi ing Indonésia ya iku ing Gigi Band.[1]
Bojoné jenengé Intan Kartika. Dhèwèké urip ing tengah kulawarga kang duwé getih kagunan.[1] Bapak kandhungé juru main piyul. Sabanjuré manggon karo bapak kuwaloné kang uga musisi.[1] Thomas akèh sinau ngenani tèknik mainaké bass karo bapak kuwaloné kang uga juru main bass.[1] Thomas kerep diajak bapaké nalika main karo grup band bapaké.[1]
Ing taun 2011, Gigi nggelar konsèr.[2] Ing konsèr Gigi kang témané Gigi Sweet Seventeen Concert kang temenan nguras tenaga, Thomas ngakoni manawa dhèwèké bungah karo Gigikita, golongan fans Gigi band.[2] Persiapané kang suwené telung sasi kanggo nyiapaké acara iki nggawé Grup band Gigi kudu njaga staminané lan performance.[2] Thomas kang rumangsa dheg-dhegan nalika munggah panggung langsung rumangsa bungah amarga tanggepan saka panggemaré kang ora dinyana-nyana.[2] Sambutan saka para penggemar Gigi band nggawé rasa dheg-dhegan iku ilang.[2]
Diskografi[besut | besut sumber]
Album karo Gigi Band[3][besut | besut sumber]
- Angan (1994)
- Next Chapter (2007)
- Peace, Love & Respect (2007)
- Gigi (2009)
Album liyané[3][besut | besut sumber]
Album liyané kang tau dirilis bebarengan karo grup band Gigi:
- Pintu Sorga (2006)
- Jalan kebenaran (2008)
Cathetan sikil[besut | besut sumber]
- ↑ a b c d e f Biografi Thomas Ramadhan diundhuh tanggal 04 Juni 2011
- ↑ a b c d e berita Gigi diundhuh tanggal 9 Juli 2011
- ↑ a b Diskografi Thomas Ramadhan[pranala mati permanèn] diundhuh tanggal 04 Juni 2011