Tessa Kaunang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tessa Kaunang
Tessa Kaunang-0007.jpg
Lair Tessalonica Indri Roxana Aryani Anes Kaunang
Jeneng liya Tessa Kaunang
Pakaryan Model, Aktris, Presenter
Taun aktif 1993-sekarang
Bojo Sandy Tumiwa
Anak Andisa Leota Anabel Tumiwa

Tessalonica Indria Roxana Aryani Anes Kaunang langkung akrab dipuntimbali kanthi asma Tessa Kaunang (lair ing Surabaya, Jawa Timur, 5 Novèmber 1976; umur 42 taun).[1] Tessa Kaunang punika salah satunggaling modhél, juru main sinétron, saha presenter.[2] Kajawi punika, Tessa ugi gadhah profési dados komédian.[2] Tessa Kaunang punika putrinipun musisi Arthur Kaunang.[2] Tessa Kaunang nikah kaliyan pesinetron Sandy Tumiwa nalika tanggal 7 Juli 2006.[2] Tessa Kaunang nglairaken putranipun ingkang sepisanan nalika tanggal 9 Januari 2007.[2] Putrinipun Tessa Kaunang anami Andisa Leota Anabel.[2] Tessa Kaunang ugi dados presenter wonten ing acara infotainment Was-Was ingkang dipunsiyaraken wonten salah satunggaling stasiun tivi swasta ingkang nami SCTV[2]. Sanajan sampun ngandhut, Tessa ugi taksih aktif dados presenter.[2] Sapunika Tessa taksih remen nindakaken kagiyatan dados ibu saha langkung kathah wonten griya.[2] Nalika putranipun sampun radi ageng, Tessa Kaunang ugi wangsul malih ndhérék kagiyatan wonten ing donyaning entertainment.[2] Tuladhanipun nalika pertengahan taun 2009, Tessa ugi akting wonten ing komedi situasi ingkang gadhah irah-irahan Kungfu Komeng.[2] Tessa ugi asring main sinétron.[1] Sinetron ingkang naté dipunbintangi Tessa Kaunang inggih punika sinétron ingkang irah-irahanipun Tersayang, Melodi Cinta, Pura Kertas, saha Permaisuri Hatiku.[1] Tessa ugi naté akting wonten ing filem 5 Sehat 4 Sempurna arahan sutradara Richard Buntario.[1]

Cathetan suku[besut | besut sumber]

  1. a b c d movietei.com(dipunundhuh tanggal 12 September 2011)
  2. a b c d e f g h i j k selebriti.kapanlagi.com(dipunundhuh tanggal 12 September 2011)