Telomer

Saka Wikipédia Jawa, bauwarna bébas abasa Jawa

Telomer (telomere) iku pérangan paling ujung saka DNA linear. Sanadyan kalebu sajeroning lèr DNA, telomer dudu ora ngode protein apa waé, saéngga dudu arupa gen. Telomer duwé peran wigati sajeroning njaga kastabilan genom saben sel. Kanthi anané telomer, panggandhaan DNA sing dumadi sadurungé panyigaran sel bisa dilakokaké kanthi tuntas.

Struktur lan fungsi telomer[besut | besut sumber]

Struktur telomer[besut | besut sumber]

Telomer kasusun saka urutan basa-basa nukleotida kanthi motif tinentu sing ambal kaping atusan nganti éwonan. Ing manungsa, motif telomer sing ambal ya iku TTAGGG. Saliyané nukleotida sing nyusun lèr DNA telomer, ana uga manéka protein sing bebarengan nglakokaké fungsi telomer. Kanggo njaga telomer, diperlokaké enzim mirunggan sing disebut telomerase.

Fungsi telomer[besut | besut sumber]

Sadurungé sigar dhiri, sel bakal nglakoni sapérangan fase. Salah sijiné ya iku fase S (fase sintesis) sing mungelaké panggandhaan kabèh lèr DNA sing nyusun genom. Panggandhaan DNA lumrahé dilakokaké déning enzim DNA-polimerase. Sanadyan mangkono, sintesis DNA sing dianut déning DNA polimerase ora mungelaké panggandhaan ing pérangan ujung DNA linar. Kanthi anané struktur telomer sing khas lan enzim telomerase panggandhaan lèr DNA bisa dilakokaké sakabèhé.

Pranala njaba[besut | besut sumber]