Tahu bakso
Tahu Bakso ya iku salah sawijining panganan kang dadi khas tlatah Ungaran[1]. Sanajan akèh bakul ana ing Ungaran nanging durung cetha asal panganan iki saka ngendi[1]. Ana sing ngomong yèn tahu bakso iki digawa wong Tionghoa[2]. Nyamikan iki bisa dipangan karo lombok rawit utawa saos bisa uga dianggo lawuh. Tahu bakso ana rong jinis ya iku tahu bakso gorèng lan duduh[2]. Tahu bakso racaké kothak nanging uga ana sing wajik[2]. Bahan dhasar tahu bakso ya iku tahu kang di isi karo adonan bakso[1].
Cara nggawé
[besut | besut sumber]Bahan sing dicepakaké:
- Daging giling 200 gram
- Tahu pong (sing kopong jeroné) 20 wiji
- Endhog 2
- Glepung pathi 100 gram
- Bawang 3
- Brambang 3
- Uyah 1 sendhok tèh
- Mrica 1/2 sendhok tèh
- Miri 2
- Gula 1/2 sendhok tèh
Cara ngolah:
- Uleg bawang, brambang, miri, mrica, gula lan uyah nganti alus
- Campur bumbu alus menyang daging giling
- Tambahi endhog lan glepung lan diudhak nganti kalis
- Lebokaké adhonan ing jero tahu
- Tahu bisa di dang utawa langsung digorèng ing lenga.
- Tahu bakso wis mateng lan bisa dipangan
Cathetan suku
[besut | besut sumber]- ↑ a b c www.pbase.com
- ↑ a b c inforesep.com
| Artikel iki minangka artikel rintisan. Kowé bisa ngéwangi Wikipédia ngembangaké. |