Step Brothers (filem)

Saka Wikipédia Jawa, bauwarna mardika basa Jawa
Step Brothers
Theatrical poster
DisutradaraniAdam McKay
Diprodhuseri
Diskénariyoni
Carita déning
Dibintangi
DimusikiJon Brion
SinématografiOliver Wood
Dibesut déningBrent White
Perusahaan
prodhuksi
Dibabar déningColumbia Pictures
Tanggal metu
Suwéné
98 menit
105 menit (versi durung dibiji)
NagaraAmérikah Sarékat
BasaBasa Inggris
Rantaman$65 yuta[1]
Kalarisan$128.1 yuta[1]

Step Brothers ya iku filem sandiwara komedi saka Amérikah Sarékat sing digawé ing taun 2008. Film iki disutradarani Adam McKay, dhedasar skenario anggitané Will Ferrell lan McKay, diangkat saka carita anggitané Ferrell, McKay, lan John C. Reilly. Para juru paraga sing main ing filem iki antarané Ferrell lan Reilly, nyritakké wong lanang loro, sadulur kuwalon, Brennan (Ferrell) lan Dale (Reilly), sing manggon ing sawijiné omah, bareng karo wong tuwané sing nembé waé dhaup.

Step Brothers dibabaraké ing tanggal 25 Juli 2008, rong taun sawisé Talladega Nights: The Ballad of Ricky Bobby. Loro filem iki diparagakaké déning juru main sing padha. Samono uga panganggit skenario lan tim produksiné.

Ringkesan carita[besut | besut sumber]

Brennan, telung puluh sanga taun, lan Dale, umur patang puluh taun, ketaman sindrom anak-anak sing tansah péngin ing omah waé. Brennan manggon karo ibune, Nancy; lan Dale manggon bareng bapaké, Robert. Wong tuwané cah loro mau ketemu ing sawijiné adicara, banjur padha ngronce kasmaran. Robert lan Nancy bebojoan, meksa Brennan lan Dale manggon saomah minangka sadulur kuwalon.

Brennan lan Dale ora seneng siji lan sijiné, saben dina padu, ngèlék-èlèk, gelut, ora gelem kalah, pokoke manut karepé. Brennan dolanan piranti musik drums duwéké Dale lan nggawe ribut ing ngarepan omah. Sabanjuré, wong tuwané mènèhi wektu seminggu dinggo nggolèk pagawéan. Utawa yèn ora bisa, kala mangsa sesasi, cah loro mau dipeksa lunga saka omah.

Nalika adhiné Brennan sing jenengé Derek, agen leasing hèlikopter, teka ing kulawarga kuwi, dhèwèké ncece cah loro mau sing durung bisa ngranggeh kasukesan urip, malah terus-terusan kaya cah cilik. Derek banjur diantem rainé déning Dale. Ing pungkasané, sadurungé padha pamit mulih, bojoné Derek ujug-ujug meksa Dale ngajak nglakoni adegan sex ing pojokan omah. Nanging sawisé kuwi, antarané Brennan lan Dale jebul ana babagan sing dianggep padha, lan miwiti tumindak apik kaya déné kakang-adhi lan kanca raket.

Robert nyusun sapérang wawancara ing perusahaan dinggo Brennan lan Dale, nanging wong loro mau malah ngecé juru wawancara liwat tumindak sing kurang ngurmati. Robert lan Nancy mratelakké anané rencana arep pènsiyun lan lunga adoh numpak prau, mubengi donya, mlancong, lan ngongkon Derek ngedol omahé, sarta meksa Brennan lan Dale nglakoni terapi kanggo apike urip ing tembé mburi. Dale lan Brennan pungkasané miwiti nglakoni karier kanthi ngedekké perusahaan panglipur "Prestige Worldwide".

Dale lan Brennan mbabar musik vidio kapisan nalika ulang tauné Derek, kalebu potongan adegan sing nggambarké nalika cah loro mau ngrusak kapalé Robert. Pas Dina Natal, Robert mbyawaraké yèn dhèwèké arep pisahan karo Nancy, jalaran polah tingkahé Brennan lan Dale. Kaget tumrap pratelan kuwi, cah loro mau nyalahké siji lan sijiné, gelut, lan milih urip pepisahan. Brennan nyambut gawé ing perusahaan leasing hèlikopter nggoné Derek, lan Dale nyambut gawé ing perusahaan catering. Pirang-pirang minggu sabanjuré Brennan lan Dale dadi tambah diwasa lan sukses.

Ingkang maragani[besut | besut sumber]

Tumanggapé[besut | besut sumber]

Filem Step Brothers lumayan agawé demen para pamirsa lan kritikus. Ing kaca pangumpul ulasan Rotten Tomatoes, filem iki nampani urutan 55%, dhedhasar 180 wong sing mbiji, kanthi rata-rata 5.5/10.[2] Wondene ing kaca Metacritic, filem iki éntuk biji 51 saka 100, dhedhasar 33 wong sing mènèhi kritik, mratandhani yèn filem iki cukup didhemeni.[3][4][5]

Album Rap[besut | besut sumber]

McKay mbiwara liwat Twitter yèn album rap singgo filem Step Brothers nampilaké Ferrell lan Reilly,[6] nanging dipratélakké yèn prosès nggawé albumé rada seret lan ora bakal dibabar.[7]

Sambungan[besut | besut sumber]

Ferrell lan Reilly naté rerembugan bab rencana anané filem sambungan dhedhasar pamikirané saka Reilly.[8][9] McKay uga wis nganakké rerembugan bab kuwi.[10][11][12][13][14]

Rujukan[besut | besut sumber]

  1. ↑ a b "Step Brothers (2008)". Box Office Mojo.
  2. ↑ "Step Brothers Movie Reviews, Pictures". Rotten Tomatoes. Dibukak ing 2015-03-29.
  3. ↑ "Step Brothers: Review". rogerebert.com. Diarsip saka sing asli ing 2010-08-24. Dibukak ing 2010-10-19.
  4. ↑ "Step Brothers-DVD Sales". The Numbers. Nash Information Services. 2010. Dibukak ing 2012-09-09.
  5. ↑ "Now with extra farts! 25 1/2 gimmicky DVD commentary tracks". The A.V. Club. November 1, 2010. Dibukak ing 2012-09-09. But to make it more of a challenge, Ferrell and company sing most of the commentary, accompanied by Jon Brion, who vamps while the boys free-associate about the movie-making process, their characters' off-screen lives, and the exorbitant price they had to pay for a pair of fake testicles. Because it's all spontaneous, the commentary ranges from the inspired to the irritatingly prolonged, but when Ferrell and Reilly really get into a good groove, they're actually funnier than the main feature.
  6. ↑ McGlynn, Katla (2011-01-04). "Is There A 'Step Brothers' Rap Album In The Works?". Huffington Post.
  7. ↑ Jagernauth, Evin (2012-11-13). "Exclusive: Adam McKay Says 'Step Brothers' Rap Album Fell Apart, Sequel Still Possible But Won't Be Next". The Playlist.
  8. ↑ "Anchorman and Step Brothers sequels?". Den of Geek. Dibukak ing 2011-03-27.
  9. ↑ ""Step Brothers": Reunited And It Feels So Good". The Urban Daily. 2008-07-28. Dibukak ing 2011-03-27.
  10. ↑ Zakarin, Jordan (2011-06-17). "EXCLUSIVE: Major 'Hunger Games' Casting Confusion". Huffington Post.
  11. ↑ "Adam McKay Accepts the Death Of 'Anchorman 2' And Pitches 'Step Brothers' Sequel | News". Screen Junkies. 2011-03-21. Dibukak ing 2011-03-27.
  12. ↑ Germain Lussier (February 27, 2014). "'Anchorman 3′ Won't Happen Says Adam McKay". Slashfilm.com. Dibukak ing February 27, 2014.
  13. ↑ http://collider.com/step-brothers-2-adam-mckay-the-big-short/#WCDPGyePVXmlYcJC.99
  14. ↑ Greene, Andy (February 21, 2017). "Will Ferrell on 'Step Brothers' Sequel: 'You Have to Resist the Temptation'". Rolling Stone. Dibukak ing February 23, 2017.

Pranala njaba[besut | besut sumber]

Wikicuplik duwé cuplikan ngenani: Step Brothers (filem)
Dijupuk saka "https://jv.wikipedia.org/w/index.php?title=Step_Brothers_(filem)&oldid=1650057"