Soundwave

Saka Wikipédia Jawa, bauwarna mardika basa Jawa
Jump to navigation Jump to search

Soundwave (versi Transformers Jepang inggih punika Soundblaster) inggih punika salah satunggal paraga robot fiksi saking serial The Transformers. Piyambakipun punika saged éwah saking robot dados tape recorder. Soundwave punika kalebet salah satunggal saking anggota Decepticons kanthi pimpinan Megatron. Piyambakipun punika kalebet salah satunggal anggota ingkang loyal marang Megatron. Piyambakipun punika gadhah mungsuh wonten ing Autobots inggih punika Blaster.

Transformers: Generation 1[besut | besut sumber]

Profil[besut | besut sumber]

Soundwave punika kalebet satunggal sakung sapérangan paraga Transformers ingkang kathah dipuntepangi déning tiyang amargi wujudipun ingkang unik. Piyambakipun punika saged ndeteksi lan ugi ngrusak transmisi radio wonten ing angin. Lan awit saking kaprigelanipun punika Soundwave pikantuk papan minangka Petugas Komunikasi Decepticons, saé nalika dipunpimpin déning Megatron menapa nalika dipunpimpin déning Galvatron. Kejawi punika, piyambakipun ugi saged maos pikiran lan nyuci otakipun manungsa.

Soundwave punika kalebet robot Transformes ingkang mentalipun kiyat. Piyambakipun éwah dados tape recorder ing Bumi. Saderengipun wonten ing Cybertron, piyambakipun saged éwah dados satunggaling menara lampu wonten ing margi.

Ingkang ngisi swaranipun Soundwave punika aktor Frank Welker, ingkang kala punika nalika nembe proses sulih swara kalampahan, pihak produser ngginakaken piranti vocoder ingkang nedahaken swara monoton khas robot. Nanging wonten ing kalih episode, swara Soundwave punika boten kasaring kanthi khusus. Awit saking punika swaranipun Soundwave punika sami kaliyan Megatron ingkang dipunisi ugi déning Frank Welker. Wondene wonten ing Jepang ingkang ngisi swaranipun Soundwave inggih punika Issei Masamune, sapisan malih pihak Takara ngginakaken piranti vocoder kanggé nedahaken swara robot khas Soundwave.

Pranala njawi[besut | besut sumber]