Menyang kontèn

Sonia Sotomayor

Saka Wikipédia Jawa, bauwarna mardika basa Jawa
Sonia Sotomayor
Associate Justice of the Supreme Court
of the United States
Wiwit linggih
August 8, 2009
DicalonakéBarack Obama
Kang sadurungéDavid Souter
Judge of the United States Court of Appeals for the Second Circuit
Linggih
October 7, 1998 – August 6, 2009
DicalonakéBill Clinton
Kang sadurungéJ. Daniel Mahoney
Kang sawiséRaymond Lohier
Judge of the United States District Court for the Southern District of New York
Linggih
August 12, 1992 – October 7, 1998
DicalonakéGeorge H. W. Bush
Kang sadurungéJohn M. Walker Jr.
Kang sawiséVictor Marrero
Rerincèn dhiri
LairSonia Maria Sotomayor
(1954-06-25) Juni 25, 1954 (umur 70)
New York City, New York, U.S.
SisihanKevin Noonan (o. 1976; peg. 1983)
WiyataPrinceton University (BA)
Yale University (JD)

Sonia Sotomayor (lair ing The Bronx, Kutha New York, Amérikah Sarékat, 25 Juni 1954) ya iku salah sijining hakim agung ing Mahkamah Agung Amérikah Sarékat.[1] Sonia dadi yuris lan hakim agung wiwit pamaréntahané Prèsidhèn Barack Obama ing taun 2009. Dhèwèké dilantik déning Barack Obama tanggal 8 Agustus 2009 ing Amérika Sarékat lan dadi hakim hispanik kapisan ing Amérika Sarékat. Hispanik ya iku para wong kang padha dedunung ing Amérika Sarékat kang nduwèni keturunan saka wong-wong kang nganggo basa Spanyol. Saliyané kuwi, Sonia Sotomayor uga wanita kaping pisan ing sajarah Amérika Sarékat kang dadi hakim agung.[2]

Kauripan

[besut | besut sumber]
Sonia Sotomayor lan wong tuwané

Sonia Sotomayor lair ing The Bronx, New York, Amérika Sarékat lan wong tuwané saka dhaérah Puerto Rico. Jeneng bapaké ya iku Juan Sotomayor (lair ing taun 1921) lan ibuké Celina Báez (lair ing taun 1927), ana. Wong tuwané Sonia Sotomayor menyang Puerto Rico dhéwé-dhéwé lan ketemu ing kana banjur palakrama nalika isih ana prastawa Perang Donya II.[3] Ibuké Sonia Sotomayor nyambut gawé dadi operator lan dadi perawat uga. Sotomayor gedhé ing kulawarga Katolik lan ing lingkungan wong-wong Puerto Rico kang dedunung ing dhaérah Bronx Kidul lan Bronx Wétan. Sotomayor ngarani yèn dhèwèké "Nuyorican", ya iku sebutan kanggo anggota kelompok utawa komunitas budaya diaspora Puerto Rico kang dedunung ing New York utawa nduwèni keturunan wong asli New York.[3]

Nalika umur 7 taun, dhèwèké divonis déning dokter nduwèni penyakit kencing manis utawa diabètes. Bapaké Sonia Sotomayor uga nduwé penyakit jantung lan séda nalika umuré 42 taun. Wektu bapaké séda, Sonia Sotomayor umuré isih 9 taun. Sawisé bapaké séda, Sotomayor sinau basa Inggris lan bisa lancar anggoné nganggo basa Inggris amarga kawit cilik dhèwèké kurang lancar anggoné bebasa Inggris. Sotomayor lancar anggoné bebasa Inggris amarga maca buku fiksi kang judule Nancy Drew, salah sawijining buku fiksi kang nduwèni karakter bocah ing critané. Saliyané kuwi, dhèwèké uga nduwèni pangarep supaya bisa nyambut gawé ing babagan hukum lan dadi hakim amarga acara TV Perry Mason.[4][5]

Nalika sekolah, dhèwèké kalebu lulusan paling apik ing universitas kang paling kondhang ing Amérika Sarékat, ya iku Universitas Princeton.[6] Sotomayor bisa sekolah ing Princeton amarga olèh béasiswa. Dhèwèké bisa olèh béasiswa amarga nduwé prestasi nalika isih sekolah ing SMP lan SMA. Saliyané kuwi, Sotomayor uga bisa ngrampungaké ujian béasiswa lan rerigen afirmatif kang dilakokaké kanggo skor tès ujian standar kang ora bisa ditandhingaké karo para pelamar béasiswa liyané.[7] Ing Princeton, Sotomayor dadi mahasiswa kang sregep lunga menyang perpustakaan kanggo maca buku lan migunakaké wektu musim panas kanggo ngajar ing njaba kelas. Saka kagiyatan-kagiyatan ing njaba kelas, Sotomayor bisa olèh pangalaman, keterampilan, lan pracaya marang awaké dhéwé. Sotomayor uga dadi aktivis kampus nalika kuliah lan dadi wakil ketua ing organisasi Acción Puertorriqueña. Organisasi kuwi mau nduwèni fungsi dadi pusat sosial lan politik.[3][8]

Ing taun 1976, Sotomayor lulus saka Universitas Princeton. Sawisé lulus kuliah, ing tanggal 14 Agustus 1976, dhèwèké palakrama karo Kevin Edward Noonan ing Geréja Katedral St. Patrick, New York, Amérika Sarékat.[9] Saliyané kuwi, ing taun 1976, Sotomayor uga nerusaké sekolah hukum ing Universitas Yale lan dhèwèké olèh béasiswa anggoné nerusaké sekolah hukum. Sotomayor kuwi kondhang minangka wong kang sregep nyambut gawé, nanging ing kelas dhèwèké ora dianggep dadi mahasiswa "bintang". Nalika sekolah hukum ing Yale, dhèwèké dadi editor jurnal ing penerbitan jurnal Universitas Yale.

Pagawéyan

[besut | besut sumber]

Taun 1979, Sotomayor nyambut gawé dadi asistèn jaksa. Ing wektu iku, New York ngalami krisis lan prakara narkoba. Sotomayor wektu iku wedi metu ing ngarep para hakim kaya jaksa-jaksa liyané amarga akèh prakara kang abot lan kudu dirampungaké. Nalika kuwi, Sotomayor nyambut gawé ing bidang persidangan. Sotomayor kudu ngrampungaké prakara-prakara kang abot, kaya ta pelacuran, penyerangan, lan prakara pepati.[3] Supaya bisa nemu data-data kang trep karo kasus kang lagi dirampungaké, Sotomayor kudu wawancara marang wong-wong kang dadi saksi lan dhèwèké lila yèn kudu teka ing dhaérah kang reget lan dhèwèké ora olèh wedi marang bebaya nalika njupuk data.[10]

Taun 1983, Sotomayor ngéwangi ngrampungaké prakara "Tarzan Murderer", ya iku prakara babagan wong kang lumebu wangunan omah wong-wong kang padha dedunung ing dhaérah utawa apartemen liwat jendéla lan njarah uga nembaki para warga ing kana.[11][12]

Sonia Sotomayor wis nduwé papénginan dadi hakim kawit dhèwèké isih sekolah ing SD. Taun 1991, Sotomayor diwènèhi rekomendasi supaya bisa nduwé jabatan déning senator demokrat New York, Daniel Patrick Moynihan. Sonia Sotomayor wis nglakoni pagawéyan dadi hakim ing pengadilan Amérika Sarékat kawit sasi Oktober 1998 lan kuwi kalebu jabatan kang kapindho.[5]

Pelantikan

[besut | besut sumber]

Lakuné pelantikan Sonia Sotomayor dadi hakim agung kuwi ora mulus utawa ora lancar amarga ora sethithik wong kang padha nolak yèn Sonia dadi hakim agung. Sadurungé bisa dadi hakim agung, ana nominasi-nominasi babagan sapa waé kang bakal dadi hakim agung. Sonia Sotomayor kalebu ing salah sawijining jeneng kang ana ing nominasi kang diusulaké déning Prèsidhèn Barack Obama. Nominasi kuwi mau ditampa utawa disetujui déning para Senat Amérika kang ana ing kana. Nanging, ana kang setuju lan ora setuju yèn Sonia dadi nominasi hakim agung amarga Sonia Sotomayor kuwi wong hispanik lan bakal dadi wanita kaping pisan kang dadi hakim agung yèn kepilih. Akèhé ana 68 wong kang setuju lan 31 wong ora setuju yèn Sonia lumebu ana ing nominasi hakim agung. Wong kang padha setuju lan ora setuju kuwi mau padha debat babagan Sonia Sotomayor kang dadi calon hakim agung.[2]

Senat-senat lan para anggota partai kang padha ora setuju nduwèni anggepan yèn Sonia Sotomayor dilantik dadi hakim agung déning Barack Obama, dhèwèké nduwèni putusan kang bakal botsih. Anggepan para senat lan anggota partai béda karo anggepané Barack Obama. Miturut Barack Obama, keadilan ing Amérika Sarékat nduwé prinsip kang kudu bisa narima keadilan, kesetaraan, lan kesempatan. Sonia Sotomayor akhiré bisa dilantik déning Prèsidhèn Barack Obama amarga klompok Démokrat pracaya yèn Sonia dadi hakim agung ing Mahkamah Amérika Sarékat, dhèwèké bisa nduwèni putusan kanthi wicaksana amarga dhèwèké kalebu hakim moderat kang wis nduwèni pangalaman akèh.[2]

Pangaji-aji

[besut | besut sumber]

Sonia Sotomayor olèh akèh pangaji-aji saka sawetara sekolah lan lembaga hukum ing Amérika Sarékat. Taun 1999, Sonia Sotomayor nduwé gelar hukum kang dikurmati saka Lehman College, saka Universitas Princeton ing taun 2001, saka Sekolah Hukum Brooklyn uga ing taun 2001[13], saka sekolah hukum Univeristas Pace taun 2003, saka Universitas Hofstra taun 2006, saka sekolah hukum NUSL taun 2007, saka Universitas Howard taun 2010, saka Universitas St. Lauren taun 2010, saka Universitas New York (NYU) taun 2012, saka Universitas Yale taun 2013, lan saka Universitas Puerto Rico ing Rio Piedras taun 2014.[14]

Ing taun 2002, Sotomayor kepilih dadi anggota ing American Philosophical Society. Sotomayor uga diwènèhi pangaji-aji Latino Professional ing taun 2006 déning Latino utaaaawa asosiasi mahasiswa hukum. Saliyané kuwi, Sotomayor uga kalebu wong kang nduwé pengaruh ing abad 21 miturut majalah Esquire ing taun 2008.[15] Taun 2015, Sotomayor olèh pangaji-aji awujud medali Katherine Hepburn saka Universitas Bryn Mawr. Sotomayor bisa nduwé medali Katherine Hepburn amarga dhèwèké kalebu wanita kang bisa ngowahi donya para wanita mandiri.[16]

Rujukan

[besut | besut sumber]
  1. ↑ "Sonia Sotomayor". Biography (ing basa Inggris Amérika Sarékat). Dibukak ing 2020-01-05.
  2. ↑ a b c "Sotomayor Dikukuhkan Sebagai Hakim Agung AS Pertama Keturunan Hispanik". VOA Indonesia (ing basa Indonesia). Dibukak ing 2020-01-06.
  3. ↑ a b c d Stolberg, Sheryl Gay (2009-05-26). "Sotomayor, a Trailblazer and a Dreamer". The New York Times (ing basa Inggris Amérika Sarékat). ISSN 0362-4331. Dibukak ing 2020-01-06.
  4. ↑ Hoffman, Jan (1992-09-25). "A Breakthrough Judge: What She Always Wanted". The New York Times (ing basa Inggris Amérika Sarékat). ISSN 0362-4331. Dibukak ing 2020-01-07.
  5. ↑ a b "JUDGE'S JOURNEY TO TOP BRONX' SOTOMAYOR ROSE FROM PROJECTS TO COURT OF APPEALS". web.archive.org. 2009-08-03. Diarsip saka asliné 2009-08-03. Dibukak ing 2020-01-07.{{cite web}}: CS1 maint: bot: original URL status unknown (link)
  6. ↑ "The President's Nominee: Judge Sonia Sotomayor". whitehouse.gov (ing basa Inggris). 2009-05-26. Dibukak ing 2020-01-06.
  7. ↑ "Sotomayor says she was 'perfect affirmative action baby' - CNN.com". edition.cnn.com. Dibukak ing 2020-01-07.[pranala mati permanèn]
  8. ↑ "Two sides to Sonia Sotomayor". Los Angeles Times (ing basa Inggris Amérika Sarékat). 2014-09-16. Dibukak ing 2020-01-07.
  9. ↑ Goodstein, Laurie (2009-05-30). "Sotomayor Would Be Sixth Catholic Justice, but the Pigeonholing Ends There". The New York Times (ing basa Inggris Amérika Sarékat). ISSN 0362-4331. Dibukak ing 2020-01-07.
  10. ↑ Powell, Michael; Kovaleski, Serge F.; Buettner, Russ (2009-07-09). "To Get to Sotomayor's Core, Start in New York". The New York Times (ing basa Inggris Amérika Sarékat). ISSN 0362-4331. Dibukak ing 2020-01-07.
  11. ↑ Weiser, Benjamin; Rashbaum, William K. (2009-06-07). "Sotomayor Is Recalled as a Driven Rookie Prosecutor". The New York Times (ing basa Inggris Amérika Sarékat). ISSN 0362-4331. Dibukak ing 2020-01-07.
  12. ↑ "Sotomayor's Real-World Schooling In Law And Order". NPR.org (ing basa Inggris). Dibukak ing 2020-01-07.
  13. ↑ "Sotomayor's resume, record on notable cases - CNN.com". edition.cnn.com. Diarsip saka sing asli ing 2020-10-14. Dibukak ing 2020-01-07.
  14. ↑ "Distinción a jueza Sonia Sotomayor". El Nuevo Dia (ing basa Spanyol). 2014-05-05. Dibukak ing 2020-01-07.
  15. ↑ "The 75 Most Influential People of the 21st Century". Esquire (ing basa Inggris Amérika Sarékat). 2008-09-16. Dibukak ing 2020-01-07.
  16. ↑ "Supreme Court Justice Sonia Sotomayor Honored With 2015 Hepburn Medal : News Archive" (ing basa Inggris). Dibukak ing 2020-01-07.
Dijupuk saka "https://jv.wikipedia.org/w/index.php?title=Sonia_Sotomayor&oldid=1702424"