Smilodon

Saka Wikipédia, bauwarna bébas basa Jawa
Smilodon
Temporal range: Cithakan:Fossilrange
Smilodon fatalis fossil at the National Museum of Natural History, Washington, DC
Klasifikasi èlmiah
Krajan: Animalia
Filum: Chordata
Kelas: Mammalia
Ordo: Carnivora
Kulawarga: Felidae
Subkulawarga: Machairodontinae
Marga: Smilodon
Lund, 1842
Species

Smilodon(play /ˈsmlədɒn/),asring dipunsebat kucing untu- pedhang utawi (kanthi cara boten leres)macan untu pedhang,inggih punika setunggal jinis kewan machairodontine ingkang sampun punah.[2] Kucing jinis punika urip endemik wonten ing Amerika ler ngantos Amerika kidul,urip wonten ing jaman Pleistocene awal kinten-kinten wonten ing tahap Lujanian saking Pleistocene(2.5 Mya - 10,000 warsa kepengker.[2]

Etimologi[besut | besut sumber]

Jeneng Untu-pedang (Saber-tooth) ngrujuk dhumateng dawanipun untu rahang sisih inggilipun ingkang ekstrim.Sanajan dipunjenengi macan untu-pedang,Smilodon sejatosipun sanes macan,sing kalebet subkulawarga Pantherinae,Smilodon nderek subkulawarga Machairodontinae. Jeneng Smilodon punika asalipun saking basa Yunani :σμίλη, smilē, "Lading/pedhang" lan Yunani ὀδoύς (odoús), "untu", Genitive: ὀδoύς, ὀδόντος,odóntos.

Klasifikasi lan Spesies[besut | besut sumber]

Restorasi saking Smilodon fatalis

Jinis Smilodon dipun sebutaken déning Naturalis Denmark lan Paleontologis Peter Wilhelm Lunding warsa 1841. Panjenengane nemokaken fosil populator Smilodon wonten ing gua-gua caketing kutha alit Lagoa Santa,ing nagara bageyan Minas Gerais,Brasil. Kathah katrangan ngenani Smilodon,ananging ngantos sapunika nembe tiga kemawon ingkang saged dipunakoni.[3]

  • Smilodon gracilis, 2.5 yuta-500,000 warsa kepengker; Spesies paling alit lan pertama (Dipunprakiraaken namung 55–100 kg(120-220 lb) inggih punika penerusipun Megantereon ing Amerika Ler,ingkang pundi asal kewan punika evolusi.[4] Spesies Smilodon sanesipun bilih mawon ugi saking jinis punika.[4]
  • Smilodon fatalis, 1.6 yuta-10,000 warsa kepengker, dipungantos dados Smilodon gracilis ing Amerika Ler lan ugi sisih kulon Amerika kidul minangka bageyan saking Great American Interchange.[4] Wonten ing ukuranipun kinten-kinten antawisipun Smilodon Gracilis kaliyan populator Smilodon,lan kinten-kinten enggal sami kaliyan kucing raksasa ingkang saged urip ngantos sapunika,Macan Hungaria.[5] Kucing punika inggilipun 1 m inggil gegeripun lan diprakirakaken bobote 160–280 kg ( 350-620 lb).[5] Terkadhang saged ugi ngginakaken kalih spesies kadosta Smilodon californicus and Smilodon floridanusminangka pembandhing,ananging biyasanipun kekalihipun cenderung dipunanggep kalebet subspesies saking Smilodon fatalis.[5]
Restorasi saking Smilodon populator
  • Smilodon populator ("Smilodon pangrusak"), 1 yuta-10,000 warsa kepengker; sumebar ing bageyan wetan Amerika Kidul lan minangka spesies paling ageng saking sadaya machairodont.[4] Smilodon populator langkung ageng tinimbang sedhereke,S. fatalis lan S. gracilis,nggadhahi jaja ageng lan suku ngajeng ingkang ageng,lan ugi babagan menapakemawon ngenani kucing punika ingkang paling ageng ditepungi ing spesiesipun.[5] dhuwuripun 1,22 m(48 in) lan 2,6 m (100 in) dawa rata-ratanipun,lan buntutipun ingkang dawanipun 30 cm (12 in).[4] Kanthi bobot antawis 360–470 kg (790 ngantos 1.000 lb),punika bobot ingkang paling ageng ingkang dipungadhahi déning kewan jinis felidae.Untu taring inggilipun wonten 30 cm dawanipun lan nunjul ngantos 17 cm (6,7 in) saking rahang inggil.[5] Bukti genetik nedahaken menawi Smilodon populator nggadhahi penyimpangan genetik kaliyan keturunan utama kucing modern ( subkulawarga Felinae) sawetawis 14-18.000.000 taun kepengker .[5]

Cathetan suku[besut | besut sumber]

  1. ^ http://www.sbpbrasil.org/revista/edicoes/11_3/castro.pdf
  2. ^ a b {en}PaleoBiology Database: Smilodon, basic info
  3. ^ {en}A. Turner: The big cats and their fossil relatives. Columbia University Press, 1997.ISBN 0-231-10229-1
  4. ^ a b c d e {en}Sorkin, B. 2008: A biomechanical constraint on body mass in terrestrial mammalian predators. Lethaia, Vol. 41, pp. 333–347
  5. ^ a b c d e f {{en}http://www.cell.com/current-biology/retrieve/pii/S0960982205008365}


Sumber artikel punika saking kaca situs web: "https://jv.wikipedia.org/w/index.php?title=Smilodon&oldid=1014552"