Dasanama

Saka Wikipédia Jawa, bauwarna bébas abasa Jawa
(Dilih saka Sinonim)

Dasanama iku tegesé manéka warna utawa sesebutan liyané kanggo sawijining paraga utawa manungsa. Lumrahé dasanama iku kanggo njenengi paraga wayang sing duwé jeneng punjul siji.

Tembung iki asalé saka basa Sangskreta daśanāma lan kanthi harafiah tegesé "sepuluh jeneng". Tembung iki sawijining kompositum ajenis dvigu. Dasanama uga bisa diarani tembung-tembung kang tegesé isih nunggal-misah. Tegesing tembung-tembung mau kèh-sethithiké isih padha,mirib utawa mèmper, sing diarani sinonim. Dadi dasanama iku kena diarani kadidèné kamus sinonim. Saliyané kanggo mbédak-mbédakake pengertèn kanthi premati, anané tembung-tembung mau uga bisa kanggo variasi, supaya tembung-tembung kang digunakaké ora mung iku-iku baé.[1] Tuladha :

  • Angin = Sindhung, Bayu
  • Alas = Wana
  • Asu = Sona, Srenggala
  • Ibu = Biyung, Biyang, umi
  • Lanang = Priya, Jalu
  • Jeneng = Asma, sambat, Jejuluk
  • Turu = Sare, nendra
  • Kasengsem = Gandrung, Kasmaran, Wulangun
  • Dalan = Ratan, Marga
  • mati = Mampus, Tinggal donya
  • Désa = Dhusun, Dukuh, Dhekah
  • Lintang = Wintang, Sudama, Kartika, Sasa

Cathetan suku[besut | besut sumber]

  1. ^ Wreksosoehardjo, Soedjarwo. 2009. Pepadhang. Semarang: Lengkongcilik Press.

Uga delengen[besut | besut sumber]