Serama

Saka Wikipédia Jawa, bauwarna mardika basa Jawa
Jago Serama asal Malaysia

Katé (Basa Melayu: Serama), yaiku jinisé pitik sing awaké cilik, boboté rata-rata sangisoré setengah kilogram, dedegé jejeg, buntuté njongat lan laré suwiwi klèngsrèh lemah.

Sajarah[besut | besut sumber]

Serama turunan Malaysia iku isih kagolong anyar. Asal muasal lan sajarahé sing mesthi isih durung cetha. Ana legéndha yèn asalé saka katurunan silang antara manuk dara lan pitik. Carita liyané nyatakaké yèn bibit serama asal saka pawèwèh saka raja Thailand marang sultan ing jaman kuna, sing dikira ing Kelantan, tlatah sing cedhak karo tapel wates Thailand. Pitik cilik wis dadi sato iwèn sing populèr ing tlatah mau lan kerep dsebut minangka "ayam katik" ("pygmy chickens") lan "ayam cantik" (" pretty chickens").

Panangkaran modhèren wiwit saka usaha Wee Yean Een saka Kelantan, sing njenengaké "Serama" saka tembung Raja Sri Rama, sawijining paraga Wayang Kulit. Asil penangkaran mau wiwitan dipamèraké ing taun 1990 lan banjur dadi misuwur. Taun 2000 minangka taun paling polpulèr ing Malaysia. Pitik penangkaran akèh sing dadi kurban nalika ana serangan flu manuk ing taun 2004, amarga punjul 50,000 pitik kudu dibesmi. Ewasemono sabanjuré penangkaran wiwit urip lan populèr manèh ing Malaysia.

Penangkaran[besut | besut sumber]

Panangkaran Serama cukup prasaja. Sawisé ngendhog mbutuhaké wektu watara 19–21 dina nganti netes. Kuthuk Serama rada kurang tahan marang hawa adhem amarga ukurané sing cilik. Sawisé netes dibutuhaké watara 16–18 minggu ngati kuthuk Serama ngancik diwasa lan wiwit siyap ngendhog.

Ing Amérika[besut | besut sumber]

Ing taun 2001, Serama pisanan diimport menyang Amérika déning KJ Theodore saka Illinois. Jerry Schexnayder saka Louisiana ngimpor golongan kapindho. Impor déning Theodore kualitasé luwih apik, wujud jinis sing paling cilik. Impor déning Schexnayder wujudé luwih gedhé, nanging kélangan (rusak) gèné. Serama sing ana ing Amérika wujud turunan langsung saka kaloro jinis mau. Serama sabanjuré dipromosèkaké déning sawijining organisasi sing diadegaké déning Jerry Schexnayder, ya iku The Serama Council of North America (SCNA). Dhéwan iki sing pisanan ngenalaké Serama menyang Amérika Lor ing warna-warna pamèran. Ing mangsa semi 2004 Serama wis bisa nganakaké pamèran mandhiri ya iku Cajun Classic ing Baton Rouge, Louisiana.

Ing Éropah[besut | besut sumber]

Serama pisanan diimpor menyang Inggris watara taun 2003-2004. Import pisanan iki saka Amérika lang langsung saka Malaysia. Ing taun 2005, saklompokcilik pamiyara Serama mutusaké ngadegaké sawijining klub Serama Club of Great Britain, wujud klub Serama pisanan sing ana ing Inggris. Klub iki nemtokaké standar panangkaran Serama ing Inggris. Tansaya suwé, ya iku ing taun 2008, klub mau diakoni minangka afiliasi saka klub panangkaran Poultry Club of Great Britain.

Ing Indonésia[besut | besut sumber]

Gladri[besut | besut sumber]

Réferènsi[besut | besut sumber]

  • Wright, Carrie (2009). An Introduction to the Serama Bantam. Seeright Publishing. ISBN 9780956225504.
  • Ekarius, Carol (2007). Storey's Illustrated Guide to Poultry Breeds. Storey Publishing. ISBN 9781580176675.
  • Henderson, Jennifer (March 30, 2009). "Malaysia's mini-chickens big it up after flu scare". Reuters.

Pranala njaba[besut | besut sumber]