Segara wedhi

Saka Wikipédia Jawa, bauwarna bébas abasa Jawa
Jump to navigation Jump to search
Tampilan khas sawijining segara wedhi.
Atacama segara wedhi.

Sajeroning istilah géografi, segara wedhi utawa ara-ara ya iku palemahan kang ora ana tetanduran lan arang udan. Curahé kurang saka 250 mm per taun. Segara wedhi dianggep duwé kabisan sithik kanggo mulasara kauripan. Yèn dibandhingaké karo wewengkon kang luwih teles bab iki manawa bener, sanadyan yèn dititèni, segara wedhi kerep duwé kauripan kang racaké kasamun (mligi ing wayah awan) kanggo jaga drawané awak. Kurang luwih saprotelon wewengkon bumi arupa segara wedhi.

Bentang segara wedhi duwé sawetara praèn umum. Segara wedhi sapérangan gedhé dumadi saka watu karang. Gumuk lan dhataran mawa watu uga awujud ing segara wedhi.

Segara wedhi kadhang-kala duwé kandhutan cadhangan mineral kang aji kang kadhapur ing saubengan salit utawa kapapar déning gigisan. Garingé wewengkon segara wedhi ndadèkaké papan kang ancas kanggo ngawètaké barang paninggalan sajarah sarta fosil.

Uga delengen[besut | besut sumber]