Menyang kontèn

Satuan Karya Pramuka

Saka Wikipédia Jawa, bauwarna mardika basa Jawa
anggota Saka

Ékan Karya Pramuka (saka) ya iku wadhah pendidikan kepramukaan kanggo nyalurake minat, ngembangaké bakat lan ningkatake kawruh, kemampuan lan pengalaman para anggota Pramuka ing manéka warna kawruh lan teknologi.[1] Kegiatan Ékan Karya dianakake tumrap Pramuka Penegak lan Pramuka Pandega.[1] Supayane ana keseragaman lan ketertiban ing jero organisasi mula digawé Surat putusan Kwartir Nasional Gerakan Pramuka nomer 032 taun 1989 kang ngatur prakawis Ékan Karya Pramuka (Saka).[1] Saben Ékan Karya Pramuka ngususake awake dhéwé marang pengabdian ing salah sawijining prakawis.[2] Anggota Saka ya iku Pramuka Penegak lan Pramuka Pandega putra lan putri saking gugusdepan ing wewengkon rantinge dhéwé tanpa ucul saka keanggotaan gugusdepan.[2] Ékan Karya Pramuka uga duwé kagiyatan mirunggan kang diarani Perkemahan Bakti ékan Karya pramuka disingkat Pertisaka kang ditindakaké saben-saben saka, nanging kagiyatan kang ditindakaké bareng-bareng punjul kang diarani Perkemahan Antar Ékan Karya Pramuka disingkat Peransaka.[2]

Organisasi

[besut | besut sumber]

Saka diwangun ing saben Ranting lan ana ing ngisor wewenang lan pembinaan Kwartir Ranting.[3] Upama Kwartir Ranting durung bisa wujud Saka banjur pambentukan Saka ditindakaké ing Kwartir Cabang.[3] Paling sitik saka kudu duwé anggota 10 wong lan paling akèh angotane 40 wong sarta minimal kapérang dadi 2 krida kang anggotane 5 nganti 10 wong.[3] Upama anggota Saka punjul 40 wong banjur bisa didadèkaké 2 Saka utawa luwih.[1] Saka dijenengi pahlawan, tokoh wayang utawa jeneng liyané kang bisa ngewenehi motivasi marang anggotane, déné jeneng krida diatur ing Petunjuk Penyelenggaraan dhéwé.[3] anggota Saka yaiuku Pramuka Penegak Bantara, Penegak Laksana lan pandega saking gugusdepan-gugusdepan, Calon Penegak lan calon Pandega kang wis diijinake Pembina gugusdepane.[3] Pamuda dudu Pramuka kang umuré 14 ngasi 25 taun bisa katampa dadi anggota Saka, nanging syarate paling suwé 6 sasi sawisé ditrima dadi anggota Saka wajib gabung karo salah sijiné gugusdepan.[3] Ana ing Saka diwangun Dewan Saka lan Dewan Kehormatan Saka kang prinsipe padha karo Dewan Ambalan lan Dewan Kehormatan Ambalan.[2]

Maneka Warna Saka

[besut | besut sumber]
  1. Saka Dirgantara[4]
  2. Saka Bhayangkara[4]
  3. Saka Bahari[4]
  4. Saka Bakti Husada[4]
  5. Saka Bina Sosial[4]
  6. Saka Keluarga Berencana (Kencana)[4]
  7. Saka Pandu Wisata[4]
  8. Saka Taruna Bumi[4]
  9. Saka Wanabakti[4]
  10. Saka Wira Kartika[4]

Saka Dirgantara

[besut | besut sumber]

Saka Dirgantara ya iku wadhah kagiyatan kang tujuane ningkatake kawruh lan ketrampilan ing prakawis kedirgantaraan kanggo nuwuhaké kesadaran kanggo ngabektekake awake dhéwé ing pembangunan nasional[1]. Biasane Saka iki mung ana ing panggonan kang duwé potensi kedirgantaraan utawa duwé landasan udara[1]. Pelatihan Saka Dirgantara racaké direwangi para professional ing babagan kedirgantaraan, TNI AU, pihak perusahaan penerbangan lan kleb aeromodelling[1]. Pelatihan racaké dianakake ing Pangkalan Udara tartemtu[2]. Krida-krida kang ana ing Saka Dirgantara, ya iku:

  1. Pesawat Bermotor[5]
  2. Pesawat Tak Bermotor[5]
  3. Aeromodelling[5]
  4. Terjun Payung[5]
  5. SAR[5]
  6. Pengetahuan Kendaraan[5]

Saka Bhayangkara

[besut | besut sumber]
logo saka bhayangkara

Saka Bhayangkara ya iku wadhah kagiyatan kebhayangkaraan kanggo ningkatake kawruh lan ketrampilan ing perkawrs keamanan lan ketertiban masarakat (Kamtibnas), lan nuwuhaké kesadaran mèlu ing pembangunan nasional.[6] Saka Bhayangkara iku Ékan Karya kang gedhé dhéwé lan paling tumuwuh ing Indonesia[1]. Saka Bhayangkara bisa diwangun ing meh saben wewengkon Kwartir ing Indonesia[6]. Ana ing pelatihan Saka Bhayangkara, lumrahé Gerakan Pramuka kerjasama karo pihak Kepulisian Republik Indonesia lan ana kalane nyuwun tulung pihak Dinas pemadam Kebaran.[6] Biasane Saka Bhayangkara ana ing ngisor pembinaan Kepulisian Republik Indonesia.[6] Krida-krida ing Saka Bhayangkara, ya iku:

  1. Krida Ketertiban Masarakat (Tibmas)[5]
  2. Krida Lalu Lintas (Lantas)[5]
  3. Krida Pencegahan dan Penaggulangan Bencana (PPB)[5]
  4. Krida Pengenalan Tempat Kejadian Perkara (PTKP)[5]

Saka Bahari

[besut | besut sumber]
logo saka bhayangkara

Ékan Karya Bahari ya iku wadhah kanggo Pramuka kang nganakake kagiyatan-kagiyatan nyata, produktif lan duwé manfaat kang tujuane nuwuhaké rasa demen lan nuwuhaké cara urip kang orientasine ing kebaharian kelebu laut lan perairan dalam.[1] Saka iki bidangi prakawis kelautan.[1] Peminaan Saka Bahari kerjasama karo pihak TNI AL, Profesional ing prakawis Ulah raga Air, Departemen Pariwisata lan departemen Kelautan.[2] Lumrahé Saka Bahari mung ana ing panggonan kang duwé potensi ing prakawis Bahari.[2] Krida-krida ing Saka Bahari, ya iku:

  1. Krida Sumberdaya Bahari[5]
  2. Krida Jasa Bahari[5]
  3. Krida Wisata Bahari[5]
  4. Krida Reksa Bahari[5]

Saka Bakti Husada

[besut | besut sumber]
logo saka bakti husada

Saka Bakti Husada ya iku wadhah pengembangan kawruh, pembinaan keterampilan, pawuwuhan pwngalaman lan ngewenehi kesempatan kanggo ngabekti marang masarakat ing prakawis keséhatan.[6]

Saka Bakti Husada duwé tujuan kanggo minangka kader pembangunan ing prakawis keséhatan kang bisa nulungi melembagakan norma urip séhat tumrap kabèh anggota Gerakan Pramuka lan masarakat ing daerahe.[6] Kegiatan kesakaan dianakake ing gugusdepan lan Ékan Karya Pramuka dicocogake karo umur lan kemampuan jasmani lan rohani peserta didik.[6] Kegiatan iki ditindakaké sebisa-bisane karo praktek wujud kagiyatan nyata kang ngewenehi kesempatan tumrap peserta didik kanggo ngecakaké dhéwé kawruh lan keterampilane mawa nganggo perlengkapan kang pas karo kaperluane.[6] Krida-krida ing Saka Bakti Husada, ya iku:

  1. Krida Bina Lingkungan Sehat[5]
  2. Krida Bina Kulawarga Sehat[5]
  3. Krida Penanggulangan Penyakit[5]
  4. Krida Bina Gizi[5]
  5. Krida Bina Obat[5]
  6. Krida Perilaku Hidup Bersih dan Sehat (PHBS)[5]

Saka Bina Sosial

[besut | besut sumber]
saka bina sosial

Saka Bina Sosial ya iku wadhah kagiyatan kanggo muwuhi kawruh lan ketrampilan ing prakawis usaha kesejahteraan sosial kanggo nuwuhaké kesadaran ngabektekake awake dhéwé ing pembangunan nasional.[6] Ngasi saiki mung Kwarda Jawa Tengah kang resmi duwé Saka iki.[6]

Saka Keluarga Berencana (Kencana)

[besut | besut sumber]
logo saka kencana

Saka Keluarga Berencana ya iku wadhah kagiyatan lan pendidikan kanggo muwuhi kawruh lan bakti masarakat ing prakawis Keluarga Berencana, Kulawarga Sejahtera lan Pengembangan kependudukan.[2] Pembinaan Saka Kencana ana ing ngisore obahan Pramuka kang kerjasama karo Badan kulawarga berencana Nasional (BKKBN)[2] Krida-krida Saka Keluarga Berencana, ya iku

  1. Krida Bina Keluarga Berencana dan Keséhatan Reproduksi (KB dan KR)[5]
  2. Krida Bina Kulawarga Sejahtera dan Pemberdayaan Kulawarga (KS dan PK)[5]
  3. Krida Advokasi dan Komunikasi Informasi Edukasi (Advokasi dan KIE)[5]
  4. Krida Bina Peran Sarta Masarakat (PSM).[5]

Saka Pandu Wisata

[besut | besut sumber]
logo saka pandwisata

Saka pandwisata ya iku ékan Karya pramuka kang tujuane nuwuhaké kawruh lan ketrampilan ing prakawis kepariwisataan.[6] Pariwisata kang dimaksud ya iku kabèh kang ana hubungane karo wisata, kelebu pengusahaan obyek lan daya tarik wisata sarta usaha-usaha liyané kang ana sambung gayuhe karo kepariwisataan.[6] Béda karo saka-saka liyané, Saka Pandwisata bisa manggon ing Obyek dan Daya tarik Wisata (ODTW), sanajan uga bisa manggon ing Kwartir Cabang.[2] Ngasi saiki mung Kwarda Jawa Tengah kang resmi duwé Saka iki.[2] Krida-krida ing Saka Pandwisata, ya iku

  1. Krida Bina Obyek Wisata[5]
  2. Krida Bina Pramwisata[5]
  3. Krida Bina Sarana Wisata[5]
  4. Krida Bina Kagunan Budaya[5]

Saka Taruna Bumi

[besut | besut sumber]
logo saka taruna bumi

Saka Taruna bumi ya iku wadhah tumrap para Pramuka kanggo ningkatake lan ngembangaké kepemimpinan, kawruh, pengalaman, keterampilan lan kecakapan para anggotane, saéngga bisa nglaksanakake kagiyatan kang nyata lan produktif sarta duwé manfaat bisa nyengkuyung kagiyatan pertanian.[2] Pembinaan Saka Taruna Bumi dilakokake déné Gerakan Pramuka kang kerjasama marang Departemen Pertanian, LIP lan Lembaga Holtikultura.[6] Krida-krida ing Saka Taruna Bumi, ya iku

  1. Krida Pertanian dan Tanaman Pangan[5]
  2. Krida Pertanian Tanaman Perkebunan[5]
  3. Krida Perikanan[5]
  4. Krida Peternakan[5]
  5. Krida Pertanian Tanaman Holtikultura[5]

Saka Wanabakti

[besut | besut sumber]
logo saka wanabakti

Saka Wanabakti ya iku wadhah tumrap Pramuka Penegak lan Pramuka Pandega kanggo nglaksanakake kagiyatan kang nyata, produktif lan duwé manfaat supaya bisa nuwuhaké raos tanggel jawab marang pelestarian sumber daya alam lan lingkungan hidup.[2] Pembina Saka Wanabakti kerjasama karo Departemen Kehutanan, Perhutani lan LSM Lingkungan Hidup/Lembaga Profesional kang ana sambung gayuhe.[2] Krida-krida ing Saka Wanabakti, ya iku:

  1. Krida Tata Wana[5]
  2. Krida Reksa Wana[5]
  3. Krida Bina Wana[5]
  4. Krida Guna Wana[5]

Saka wirakartika

[besut | besut sumber]
logo saka wirakartika

Saka Wirakartika ya iku Saka kang isih wujud Saka Rintisan.[6] Nembe diwiwit ing akir taun 2007.[6] Pembentukane didasari déné Peraturan bersama Kepala Staf Angkatan Darat karo Ketua Kwartir Nasional Gerakan Pramuka nomer 182/X/2007 dan 199 taun 2007 tanggal 28 Oktober 2007 ngenani kerjasama ing usaha Pembinaan lan pengembangan pendidikan bela Nagara lan kepramukaan.[6] Krida-krida ing Saka Wira Kartika, ya iku

  1. Krida Survival[5]
  2. Krida Pionering (Perintis)[5]
  3. Krida Mountainering[5]
  4. Krida Navigasi Darat[5]
  5. Krida penanggulangan bencana alam[5]

cathetan suku

[besut | besut sumber]
  1. ↑ a b c d e f g h i j http://www.pramukanet.org/ Archived 2012-04-12 at the Wayback Machine.(diunduh tanggal 17 Juli 2011)
  2. ↑ a b c d e f g h i j k l m n http://pramuka.webege.com/[pranala mati permanèn](diunduh tanggal 17 Juli 2011)
  3. ↑ a b c d e f materi KMD Kwartir Daerah 11 Jawa Tengah (kaca 163)
  4. ↑ a b c d e f g h i j materi KMD Kwartir Daerah 11 Jawa Tengah (kaca 164)
  5. ↑ a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao ap materi KMD Kwartir Daerah 11 Jawa Tengah (kaca 165)
  6. ↑ a b c d e f g h i j k l m n o p http://www.pramukanet.org/[pranala mati permanèn](diunduh tanggal 16 Juli 2011)
Dijupuk saka "https://jv.wikipedia.org/w/index.php?title=Satuan_Karya_Pramuka&oldid=1659730"