Omah Gadang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Rumah Gadang)
Jujug: pandhu arah, pados
Griya Gadang ingkang mapan ing Nagari Pandai Sikek

Rumah Gadang utawi Griya Gadang utawi Omah Gadang inggih punika satunggalipun nama griya adat Minangkabau ingkang kalebet griya tradisional.[1] Griya adat punika kathah mapan ing propinsi Sumatra Kilèn, Indonésia.[1] Griya punika ugi saged dipunsebat kanthi nama sanèsipun déning masyarakat Minang kanthi nama griya Bagonjong utawi wonten ugi ingkang nyebataken kanthi nama griya Baanjung.[1]

Griya kanthi modhél punika ugi kathah ing Negeri Sembilan, Malaysia.[2] Boten sadaya wewengkon ing Minangkabau (darek) kepareng dipundamel griya adat punika, namung ing wewengkon ingkang sampun nggadhahi status minangka nagari kemawon griya adat punika kepareng dipunwangun ing mrika. Ugi ing wewengkon ingkang dipunsebat rantau, griya adat punika ugi rumiyin boten wonten ingkang dipunwangun déning peranto Minangkabau.[2]

Griya Gadang minangka papan panggenan, nggadhahi paugeran piyambak. Cacahipun kamar adhedhasar cacahipun tiyang èstri ingkang manggen ing mrika.[2] Saben tiyang èstri ing kaum kasebat ingkang sampun kagungan garwa pikantuk setun[2] ggal kamar.[2] Tiyang èstri ingkang sampun sepuh lan laré-larénipun manggen ing kamar ingkang caket dhapur. Gadis ingkang taksih rumaja pikantuk kamar sesarengan ing kamar pojok sanèsipun.[2]

Rumah Gadang limrahipun dipunwangun ing sanginggilipun siti kagunganipun kulawarga induk wonten suku/kaum kasebat miturut cara turun tinurun[2] kaliyan namung dipungadhahi lan dipunwarisi déning tiyang èstri kemawon.[3]

Cathetan Suku[sunting | besut sumber]

  1. ^ a b c (id)[Navis, A.A., Cerita Rakyat dari Sumatera Barat 3, Grasindo, ISBN 979-759-551-X.]
  2. ^ a b c d e f g (en)[Graves, Elizabeth E., (2007), Asal-usul elite Minangkabau modern: respons terhadap kolonial Walanda abad XIX/XX, Jakarta:Yayasan Obor Indonésia, ISBN 978-979-461-661-1.]
  3. ^ (id)Dawson, Barry; Gillow, John (1994), The Traditional Architecture of Indonésia, London: Thames and Hudson, ISBN 0-500-34132-X.]

Pranala Njawi[sunting | besut sumber]


Sumber artikel punika saking kaca situs web: "https://jv.wikipedia.org/w/index.php?title=Omah_Gadang&oldid=1038232"